6
Нийслэлийн замын түгжрэлийг бууруулах, авто замын сүлжээг шинэ шатанд гаргах зорилгоор Улаанбаатар хотыг хөгжүүлэх 24 мега төслийн хүрээнд 18 байршилд олон түвшний уулзвар болон нүхэн гарц барихаар төлөвлөсөн байна. Энэхүү бүтээн байгуулалтаар нийт 9000 метр авто зам, 4500 метр нүхэн гарц шинээр баригдана.
Уулзварууд байгуулагдах гол байршлууд:
- Баруун 4 зам
- Саппоро
- Механик инженерийн сургууль
- Төв шуудан
- Гэсэр сүм
- Баянбүрд
- 32-ын тойрог
- 17 дугаар сургуулийн уулзвар
- Гадаад хэргийн яам
- Зүүн 4 зам
- Их монгол
- болон бусад төвийн бүсийн чухал уулзварууд
Уг төслийг 2025-2028 оны хооронд хэрэгжүүлэхээр төлөвлөсөн бөгөөд олон түвшний уулзварууд ашиглалтад орсноор замын хөдөлгөөний дундаж хурд 7.1 хувиар нэмэгдэх тооцоо гарчээ.
Төслийн ач холбогдол:
- Хотын төвийн замын ачааллыг бууруулах
- Иргэдийн цаг хугацааг хэмнэх
- Замын хөдөлгөөний үр ашгийг нэмэгдүүлэх
- Эдийн засгийн өсөлтийг дэмжих
- Олон улсын стандартад нийцсэн замын бүтцийг бий болгох
Энэхүү бүтээн байгуулалт нь нийслэлийн авто замын ачааллыг зохицуулах, урт хугацааны бодлогын хүрээнд хэрэгжих чухал алхам болохыг албаны хүмүүс онцолж байна.
