K-Pop ертөнцийн алдарт 2PM хамтлагийн гишүүн, жүжигчин Уг Тэг Ён амьдралынхаа шинэ хуудсыг нээж, ирэх дөрөвдүгээр сард гэрлэхээр болсон баярт мэдээгээ дуулгалаа. Тэрээр 10 жилийн турш үнэнчээр үерхсэн найз бүсгүйтэйгээ дөрөвдүгээр сарын 24-ний өдөр хуримын ёслолоо хийхээр товложээ. Ингэснээр Тэг Ён хамтлагийнхаа гишүүдээс гэр бүл зохиож буй хоёр дахь гишүүн болж байна.
Тэг Ён өнгөрсөн оны сүүлчээр болсон “KBS Drama Awards 2025” ёслолын тайзнаас ирээдүйн эхнэртээ хандан чин сэтгэлийн үгсээ хэлж, хайр зарласан нь шүтэн бишрэгчдийнх нь дунд томоохон хүлээлт үүсгээд байсан юм. Хосууд хуримын товоо өнгөрсөн арваннэгдүгээр сард анх зарласан бөгөөд сүйт бүсгүй нь олны танил бус иргэн учраас хуримын ёслолыг зөвхөн ойр дотныхоо хүмүүсийн хүрээнд, маш нууцлаг бөгөөд хаалттай зохион байгуулахаар шийджээ.
Тэрээр анх 2020 онд, урлагийн замналаа эхлүүлснээс 12 жилийн дараа найз бүсгүйтэй гэдгээ албан ёсоор хүлээн зөвшөөрч байсан юм. Арав гаруй жилийн турш харилцаагаа нандигнан хадгалж, ийнхүү гэрлэлтээр баталгаажуулж буй тэдний түүх олон хүнд үлгэр дуурайлал болж байна. Шүтэн бишрэгчид нь болон хамтлагийн гишүүд нь түүний шийдвэрийг халуун дотноор дэмжиж, аз жаргал хүссээр байгаа ажээ.
