3х3 ДАШТ Монголд түүхэн сошиал рекорд тогтоолоо – Дэлхий даяар дуулиан тарив

Монголд амжилттай зохиогдсон 3×3 сагсан бөмбөгийн дэлхийн аварга шалгаруулах тэмцээн сошиал сүлжээний хандалт, хүртээмж болон хэрэглэгчдийн идэвхийн шинэ дээд амжилтыг тогтоож, 3×3 сагсан бөмбөгийн түүхэнд тодоор бичигдлээ.

Гол амжилтууд:

• Тэмцээний бичлэг нийт 253 сая хандалт авсан нь өмнөх оны 160 саяыг хол давсан үзүүлэлт боллоо.
• Хүртээмжийн хэмжээ 257 саяд хүрч, өнгөрсөн жилийн дээд үзүүлэлтийг ахиулсан.
• Идэвхтэй хэрэглэгчийн тоо 9 саяд хүрсэн нь төрөл бүрийн нас, сонирхолтой хүмүүсийг хамарснаа харууллаа.

FIBA 3×3 холбооны Гүйцэтгэх захирал Алекс Санчес тэмцээний талаар:

“Монголд болсон ДАШТ үнэхээр гайхамшигтай явагдаж өндөрлөлөө. Цахим ертөнцөд тогтоосон амжилтаараа бид ихэд бахархаж байна. Ур чадвараа харуулсан тамирчид, хүрэлцэн ирсэн мянга мянган хөгжөөн дэмжигчид, Монголд анх удаа болсон ДАШТ-ийг зохион байгуулагчид та бүхний ачаар энэ амжилтад хүрлээ. Үнэхээр гайхалтай байлаа.”

Цахим болон дэлхийн дээд үзүүлэлтүүд:

• Энэ ДАШТ-ийн үеэр 200 мянга гаруй шинэ дагагчтай болсон нь онцлох үзүүлэлт юм.
• Дэлхийн 200 гаруй улс орон, бүс нутагт шууд дамжуулсан нь өмнөх жилийн 160-аас хавьгүй их байв.
• Монголын түүхэн Сүхбаатарын талбайд болж өнгөрсөн энэхүү тэмцээнийг дэлхий дахин үзэх боломжтой болсон.

Тэмцээний онцлох үр дүн:

• 3×3 төрлөөр ямар ч улс орон амжилтад хүрч болдгийг энэ ДАШТ дахин баталлаа.
• Нидерланд болон Монголын эмэгтэй багуудын амжилт онцгой ач холбогдолтой байв. Энэ нь тууштай төлөвлөлт, хичээл зүтгэлийн бодит үр дүн гэдгийг харуулсан юм.

Ирээдүйн том тэмцээн Монголд:

• Монгол Улс 3×3 ДАШТ-ийг амжилттай зохион байгуулсны дараа ФИБА холбооноос “FIBA 3×3 Asia Cup 2027”-г Улаанбаатар хотод зохион байгуулах эрх олгосноо албан ёсоор зарлалаа.