Ким Жон Ун Орос дахь цэргүүддээ баяр хүргэж, ирээдүйг зөгнөв

Умард Солонгосын төрийн тэргүүн Ким Жон Ун тус улсын Зэвсэгт хүчин үүсгэн байгуулагдсан түүхт ойг тохиолдуулан ОХУ-ын нутаг дэвсгэрт үүрэг гүйцэтгэж буй бие бүрэлдэхүүндээ хандан тусгайлан баяр хүргэлээ. Тэрбээр Курск мужид байрлаж буй цэргүүдийнхээ байлдааны бэлэн байдал болон эх орныхоо даалгаврыг нэр төртэй биелүүлж буйг өндрөөр үнэлсэн байна.

Удирдагч Ким Жон Ун баярын мэндчилгээндээ дараах гол санаануудыг онцолжээ:

1. Харийн нутагт тусгай ажиллагаанд оролцож буй командлагч, байлдагч нарын эр зоригийг сайшаах.
2. БНАСАУ-ын армийн нэр хүндийг олон улсын тавцанд өндөрт өргөж байгаад талархал илэрхийлэх.
3. Ирэх таван жилийн хугацаанд армийн гүйцэтгэх үүрэг, оролцоог стратегийн түвшинд нэмэгдүүлэх.

Түүнчлэн тэрбээр 2026 оныг улс орны болон батлан хамгаалах салбарын хувьд шийдвэрлэх өөрчлөлтийн жил болно гэдгийг мэдэгдлээ. Солонгосын ардын армийн үйл ажиллагааны цар хүрээ улам тэлж, ирээдүйд орлуулшгүй чухал байр суурь эзлэх болно гэдгийг түүний илгээлтэд тэмдэглэсэн байна.