20
Ховд аймгийн Мянгад сумын Цагаан булан багийн “Хонгорч” гэх газарт хээрийн түймэр гарч, нийт 90 орчим га талбай шатсан талаар мэдээллээ. Түймрийн дуудлагыг гуравдугаар сарын 22-ны 19:30 цагт хүлээн авсан байна.
Дуудлагын дагуу аймгийн Онцгой байдлын газрын Аврах анги, сумын мэргэжлийн анги болон орон нутгийн иргэд нийлсэн 69 хүн, 18 автомашинтайгаар гал унтраах ажиллагаанд оролцжээ. Шуурхай арга хэмжээний үр дүнд түймрийг 23:20 цагт цурманд оруулж, 2026 оны гуравдугаар сарын 23-ны 00:10 цагт бүрэн унтраасан байна.
Гал унтраах ажиллагааны онцлох үзүүлэлт:
- Оролцсон хүч: 69 хүн
- Ашигласан техник: 18 автомашин
- Унтраасан хугацаа: 19:30–00:10
Одоогоор түймрийн шалтгаан нөхцөлийг тогтоохоор холбогдох байгууллагууд ажиллаж байна.
