Австралийн Мельбурн хотноо зохион байгуулагдаж буй “Counter Strike 2” төрлийн олон улсын өндөр зэрэглэлийн тэмцээн болох “Intel Extreme Masters Melbourne 2025” (IEM) хоёр дахь өдрөө үргэлжилж байна. Нийт нэг сая ам.долларын шагналын сантай уг тэмцээнд Монгол Улсаа төлөөлөн “The MongolZ” баг оролцож буй бөгөөд тэд Playoffs шатанд шалгарах эрхээ албан ёсоор авлаа.
“The MongolZ” хоёр хүчирхэг өрсөлдөгчийг дарав
“The MongolZ” баг А хэсгийн эхний тоглолтоо АНУ-ын “Complexity” багтай Bo3 буюу гурван “map”-аар ялагчийг тодруулах журмаар хийж, 2:1 харьцаатай хожсон. Үүний дараа тэд Европын шилдэг багуудын нэг “FaZe Clan”-тай тоглож, 2:0-ийн ялагдашгүй ялалт байгууллаа.
- “Dust II” map дээр “FaZe Clan”-ийг 13:8 онооны харьцаатай ялсан бол,
- “Ancient” map дээр нэмэлт үеийн тоглолтод хожсонооршөвгийн зургаад шалгарсан юм.
Дараагийн сорил – “MOUZ” баг
“The MongolZ” баг Playoffs шатанд шалгарсан ч тэдний дараагийн чухал тоглолт Данийн “MOUZ” багтай маргааш буюу 2025 оны 4 дүгээр сарын 17-ны 14:15 цагаас эхэлнэ. Хэрэв хожвол шөвгийн дөрөвт шууд шалгарах бол хожигдсон тохиолдолд бусад хэсгийн багуудтай хасагдах шатны тоглолт хийх юм.
Монголын цахим спортын багуудын дэлхийн тавцанд амжилттай оролцож буй томоохон жишээ бол “The MongolZ”. Тэд энэ удаад ч ур чадвар, тактик, сэтгэлзүйгээрээ Complexity болон FaZe Clan зэрэг хүчирхэг багуудыг ялснаар олон улсын тавцанд Монголын нэрийг дахин өндөрт өргөж байна.
Мөн тэдний амжилтын нэгэн чухал хүчин зүйл нь багийн албан ёсны ивээн тэтгэгч 1xBet компанийн дэмжлэг юм. Электрон спортын хөгжлийг тууштай дэмжиж ирсэн тус компани нь “The MongolZ” багтай хамтран Монгол залуусын авьяас, тэмүүллийг дэлхийд таниулахад хувь нэмрээ оруулсаар байна.
2 comments
MongolZ тэд зүгээр нэг сенсаац биш, дэлхийн тавцанд тогтвортой хүчин гэдгийг дахин нотолж байна
Би багаараа бахархаж байна! Тэд тэмцээн болгонд илүү итгэлтэй болдог. Бид илүү гайхалтай ялалтуудыг хүлээж байна!