Хойд мөсөн далайн арктикийн мөсөн бүрхүүл түүхэн дэх хамгийн доод хэмжээнд хүрснийг Японы аэро сансарын агентлагийн (JAXA) эрдэмтэд мэдээллээ. Японы “Сизүкү” хиймэл дагуулын тусламжтайгаар арктикийн мөсөн бүрхүүлийг судалсан бөгөөд энэхүү судалгааны үр дүнд өвлийн туршид гуравдугаар сар хүртэл нэмэгдсэн мөсний хэмжээ энэ улиралд 13.79 сая квадрат километр болж оргилдоо хүрсэн байна. Энэ үзүүлэлт нь 1979 оноос хойшхи хамгийн бага хэмжээ бөгөөд өмнөх бүх жилүүдийг сөрсөн хамгийн доод хэмжээг харуулж байна.
Мөсөн бүрхүүлийн талбайн бууралт нь цаг уурын өөрчлөлттэй шууд холбоотой бөгөөд энэ нь уур амьсгал, далайн орчинд хэрхэн нөлөөлөх талаар мэргэжилтнүүдийн дунд олон асуулт төрүүлсэн байна. Эрх баригчид, эрдэмтдийн үзэж байгаагаар мөс хайлж байгаагаас цэнгэг усны хомсдол үүсэх эрсдэлтэй. Эрдэмтэд мөн энэ зууны эхнээс дэлхийн далайн төвшин бараг хоёр см-ээр нэмэгдсэн гэж үзэж байна. Өнгөрсөн хугацаанд 250 тэрбум тонн мөс жил бүр хайлж байгаа бөгөөд энэ нь далайн төвшин өсөх шалтгаан болж байна.
Энэхүү мөс хайлалтын үр дүнд урт хугацааны орчны өөрчлөлтүүд, үүнд арктикийн орчны температурын өөрчлөлт, хүлэмжийн хийний ялгаралт, далайн төвшний өсөлт зэрэг хүчин зүйлүүдийн нөлөөллийг улам эрчимжүүлэхээр байна.
