Энэ зун Монгол оронд агаарын хэм ихэнх нутгаар өсч, хур тунадас бага байх төлөвтэй

Цаг уур, орчны шинжилгээний газрын цаг уурч Э.Энхсүлд 2025 оны зуны цаг агаарын төлөв байдлын талаар мэдээлэл өглөө. Тэрбээр энэ зун ихэнх нутгаар олон жилийн дунджаас илүү дулаан байх бөгөөд хур тунадас харьцангуй бага орох төлөвтэй байгааг онцолсон юм. Доорх мэдээлэлд тав, зургаа, долоон болон наймдугаар сарын урьдчилсан төлөвийг бүс нутгаар нь задлан хүргэж байна.

Тавдугаар сарын төлөв байдал

Баруун аймгууд:

• Сарын эхэнд бага зэрэг сэрүүн ч дунд үеэс хойш аажмаар дулаарна.
• Говь-Алтай, Баянхонгорын ихэнх нутгаар олон жилийн дунджаас дулаан байх төлөвтэй.
• Салхи шуургатай, гуравдугаар арав хоногт хур тунадас орох магадлал өндөр.

Төвийн аймгууд:

• Сэлэнгэ, Төв аймгийн зүүн хойд хэсгээр дунджаас хүйтэн, Өвөрхангайн өмнөд хэсгээр харин дулаан байна.
• Хур тунадас эдгээр бүсэд ахиу байх төлөвтэй, ялангуяа Сэлэнгийн зүүн хэсэг, Төв аймгийн зүүн хагаст.
• Салхи шуургатай, уулаараа нойтон цас орох магадлалтай.

Зүүн аймгууд:

• Хэнтий, Дорнодын хойд хэсгээр олон жилийн дунджаас хүйтэн байна.
• Хур тунадас Хэнтийн болон Дорнодын ихэнх нутаг, Сүхбаатарын хойд хэсгээр ахиу байх төлөвтэй.
• Салхи шуурга ихтэй, хоёрдугаар ба гуравдугаар арав хоногт хур нэмэгдэх магадлалтай.

Говийн аймгууд:

• Өмнөговь, Дундговь, Дорноговийн өмнөд хэсэг дулаан, хур тунадас дунджийн орчим.
• Сарын эхээр баруун хэсэг дулаарна, сүүлээр бороо, шуургатай байж, агаар сэрүүснэ.

Зургаадугаар сарын төлөв

• Говийн өмнөд хэсгээр бороо элбэг байх төлөвтэй.
• Хөвсгөл, Архангай, Булган, Сэлэнгэ, Завхан, Баянхонгор, Өвөрхангай, Төв аймгийн нутгаар температур дунджийн орчим байна.
• Хур тунадас Ховд, Говь-Алтай, Баянхонгорын өмнөд, Хэнтий, Дорнод, Сүхбаатарын хойд хэсгээр ахиу орох магадлалтай.

Долдугаар сарын төлөв

• Улсын ихэнх нутгаар олон жилийн дунджаас дулаан байна.
• Хэт халалт явагдах магадлал өндөр.
• Өмнөговь, Дорноговийн өмнөд хэсгээр бороо ахиу, харин баруун аймгуудын зарим хэсгээр бороо бага орох төлөвтэй.

Наймдугаар сарын төлөв

• Говийн бүсийн баруун өмнөд хэсгээр хур тунадас ахиу орно.
• Өмнөговь, Дундговь, Дорноговь, Сэлэнгэ, Төв, Хэнтий, Дорнод, Сүхбаатарын ихэнх нутгаар бороо ахиу байна.
• Алтайн өвөр говь, говийн аймгуудын баруун хэсгээр олон жилийн дунджаас их хур орно.

Нэмэлт анхааруулга

Зуны улиралд агаарын хэм ихэнх нутгаар олон жилийн дунджаас өндөр байх тул гэнэтийн үер, гол мөрний усны түвшин нэмэгдэх эрсдэлтэй. Тиймээс иргэд, аж ахуйн нэгжүүд цаг агаарын өөрчлөлтөд урьдчилан бэлтгэж, сонор сэрэмжтэй байхыг ЦУОШГ-аас анхааруулж байна.