Counter-Strike 2 (CS2)-ын хамгийн нэр хүндтэй тэмцээний нэг болох ESL Pro League-ийн 22 дахь улиралд оролцох эрх олгох Азийн бүсийн 49 дэх удаагийн ESL Challenger League-ийн шигшээ шат ид үргэлжилж байна. Энэ шатанд Монголын The Huns Esports баг гайхамшигтай тоглолтоороо Хятадын алдартай Rare Atom багийг хаслаа.
Шигшээ тоглолтын дүн:
Inferno: Huns 7 – Rare Atom 13
Dust II: Huns 13 – Rare Atom 10
Ancient: Huns 13 – Rare Atom 7
Хоёр багийн тоглолт 2-1 харьцаагаар Huns-ийн ялалтаар өндөрлөж, Монголын баг доод хүснэгтийн шөвгийн дөрөвт шалгарлаа. Харин Rare Atom тэмцээнээс бүр мөсөн хасагджээ.
Монголын багуудын амжилт ба төлөвлөгөө
ESL Challenger League тэмцээнд нийт 16 баг оролцож, шагналын сан нь $40,000 (ойролцоогоор 140.9 сая төгрөг) бөгөөд Монгол Улсаас таван баг оролцож буй. Үүнээс гурав нь шигшээ шатанд шалгараад байна.
Eruption баг Хятадын TYLOO-г орлож, MESA Nomadic Masters тэмцээнд оролцохоор болсон.
Chinggis Warriors баг доод хүснэгтийн шөвгийн наймд орж, өнөөдөр 20:00 цагаас Оросын -72C багтай тоглоно. Хожвол дараагийн шатанд Huns багтай тулна.
Nomads баг -72C багт ялагдаж тэмцээнээ өндөрлүүлсэн.
Дээд хүснэгтийн финал
Тус тэмцээний дээд хүснэгтийн финалд Хятадын хоёр баг тунаж үлдсэн бөгөөд тэд тавдугаар сарын 3-нд тоглох юм.
Монголын багуудын олон улсын тэмцээний оролцоо
Huns Esports баг саяхан Монголд зохион байгуулагдсан MESA Nomadic Masters Spring 2025 тэмцээнээс хасагдсан ч, ESL Challenger League-д амжилттай тоглолтоо үргэлжлүүлж байна. Chinggis Warriors баг мөн өнөөдөр 10:00 цагаас Eruption багтай тоглож, шигшээ шатанд шалгарах эсэхээ шийдэх юм.
