FIFA Club World Cup 2025 аваргын хоёрдугаар тойргийн тоглолтууд пүрэв гарагт эхэлж, АНУ-ын “Интер Майами” баг Португалын “Порто”-г 2:1 харьцаатайгаар буулган авч шуугиан тарилаа.
Тоглолтын 1:1-ээр үргэлжилж байсан мөчид Лионел Месси 20 метрийн зайнаас чөлөөт цохилт гүйцэтгэж гоол оруулан, өөрийн гоц авьяасыг дахин харууллаа. Ингэснээр тэрбээр чөлөөт цохилтоос оруулсан гоолынхоо тоог 68-д хүргэж, энэ үзүүлэлтээр дэлхийд гуравдугаарт бичигдэх боллоо. Түүнээс олон гоол оруулсан тоглогчид бол Жуниньо Пернамбукано (77 гоол), Пеле (70 гоол) нар юм.
37 настай Месси 2011-2012 оны улиралд “Барселона” клубын өмнөөс 60 тоглолтод оролцон 73 гоол оруулсан гайхамшигтай амжилтыг үзүүлж байсан. Харин өнөөдөр тэрбээр “Интер Майами” багийн төлөө 61 тоглолтод оролцож, 50 гоол оруулсан нь багийнхаа бүх цаг үеийн хамгийн олон гоол оруулсан тоглогч болоод байна.
Месси клубүүдийн ДАШТ-д оролцсон 7 тоглолтод нийт 6 гоол оруулаад байгаа бөгөөд энэ үзүүлэлтээр тэмцээний бүх цаг үеийн мэргэн буучдын жагсаалтын хоёрдугаарт бичигдэж байна. Түүний өмнө Криштиано Роналду байгаа бөгөөд Месси түүнийг ердөө ганц гоолоор хөөж яваа юм.
“Интер Майами” баг “Порто”-г хожсоноор АНУ-ын баг Европын клубыг албан ёсны тэмцээнд хожсон анхны тохиолдол болж, түүхэн амжилтыг байгууллаа. Тэд хэсгийн сүүлчийн тоглолтоо Бразилийн “Палмейрас”-тай хийхээр төлөвлөсөн байна.
2 комментария
Мессигийн гайхамшиг дуусахгүй л юм байна даа!
Интер Маями азтай байна аа, ийм тоглогчтой гэдэг бол үнэхээр ховор завшаан