Аймшиг, нууцлаг үйл явдлаар дүүрэн “Согоомаа” олон ангит киноны бүх анги албан ёсоор гарч эхэлжээ. Ижил нэртэй зохиолоос сэдэвлэн бүтээгдсэн уг бүтээл нь айл өрхийн дотор нуугдсан айдас, хүний ёсны үнэнч хайр, үл ойлгогдох хүчний талаар өгүүлдэг.
Киноны үйл явдал:
Хүүхэдтэй болохыг олон жил хүссэн Готов өвгөн, түүний эхнэр хоёр ойд төөрсөн өлгийтэй нярайг олж, гэртээ авчирснаар үйл явдал эхэлдэг. Тэд бяцхан үрээ амь шигээ хайрлан өсгөхийг хичээх боловч энэхүү хүүхэдтэй хамт тэдний амьдралд аймшигт нууц, айдас, амь тэмцэл дагалдан орж ирдэг. Хүний санаанд багтамгүй үзэгдлүүд нэг нэгээрээ цуварсаар, эцэг эх болсон хөгшин хос амьд үлдэхийн төлөө тэмцэх болно.
Бүх ангийг хаанаас үзэх вэ:
- Юнивишнийн Монгол багц
- LookTV-ийн Nomadia Originals цэс
- DDish телевизийн үйлчилгээ
Аймшиг сонирхогчдод зориулсан үндэсний анхны олон ангит бүтээлүүдийн нэг болсон “Согоомаа” кино нь сэтгэл зүйн айдас болон аймшгийн уран сайхны шийдлээрээ онцлогтой юм.
