Германы Кёльн хотод болж буй 1.25 сая ам.долларын шагналын сантай “IEM Cologne 2025” олон улсын тэмцээний шигшээ шатны тоглолтууд маргааш эхэлнэ. Монголын цахим спортын тэргүүлэгч баг болох “The MongolZ” энэ шатанд маргааш орой 21:45 минутаас Украйны алдарт “NaVi” багийн эсрэг тоглохоор болсон байна.
“The MongolZ” баг тэмцээний эхний шатанд “3DMAX” болон “Falcons” багуудыг дараалан 2:0 харьцаатайгаар ялж, плэйоффын эрх авсан ч “Vitality” багт хожигдож, шөвгийн наймд дахин тоглох болсон. Харин “NaVi” баг “Б” хэсгээс гуравдугаар байраар шалгарч, энэхүү шийдвэрлэх тоглолтын өрсөлдөгч болж байна.
Тоглолт Кёльн хотын “Lanxess” цэнгэлдэх хүрээлэнд явагдах бөгөөд энэ нь “The MongolZ” багийн тус аренад хийх анхны тоглолт юм. Энэхүү тоглолтын ялагч шөвгийн дөрөвт шалгарч, дараагийн шатанд “Team Spirit” багтай тулах юм.
“The MongolZ” багийн олон улсын тэмцээнд оролцох бэлтгэл, оролцоонд стратегийн дэмжлэг үзүүлж буй гол түншүүдийн нэг нь “1XBET” бөгөөд тэдний ивээн тэтгэлэг Монголын баг дэлхийн тавцанд амжилттай өрсөлдөх боломжийг бүрдүүлж байна.
