Нийслэлийн цэцэрлэгийн бүртгэл эхэллээ

Нийслэлийн хэмжээнд 2025 оны 8-р сарын 04-18-ны өдрүүдэд цэцэрлэгт хамрагдах хүсэлтийг «E-Mongolia» системээр дамжуулан хүлээн авна. 2025-2026 оны хичээлийн жилд улсын хэмжээнд 278,290 хүүхэд сургуулийн өмнөх боловсролд хамрагдана гэж тооцоолсноос 135,582 нь нийслэлд хамрагдах юм.

Нийслэлийн цэцэрлэгт хамрагдах хүүхдүүдийн насны бүлэг дараах байдлаар тооцогдож байна:

• 2 настай: 30,304
• 3 настай: 31,843
• 4 настай: 35,698
• 5 настай: 37,837

Иргэд хүүхдээ цэцэрлэгт хамруулахдаа дараах зүйлийг анхаарахыг Боловсролын ерөнхий газраас зөвлөжээ:

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
• Хэрэв таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ «Үргэлжлүүлж явах» эсэх сонголтыг хийх;
• Шилжилт хөдөлгөөнийг энэ хугацаанд хийх бол 2025 оны 8-р сарын 15-ны өдрийн өмнө баталгаажуулсан байх шаардлагатай.