10
Булган аймгийн Тэшиг сумын Хужирт багийн Тасархай газарт 2025 оны 5-р сарын 3-ны өдөр С.Батмөнхийн малын бэлчээрт хүрэн баавгайн бамбарууш ирсэн тухай мэдээлэл байгаль хамгаалагчдад ирсэн байна.
Мэдээллийг хүлээн авсан дархан цаазат газрын захиргаанаас БОУАӨЯ болон Амьтан асрах төвийн мэргэжилтнүүдэд тусламжийн мэдэгдэл илгээсэн бөгөөд тэд хоол тэжээлийн болон асран хамгаалах арга хэмжээний талаар зөвлөмж өгчээ.
Одоогоор Зэд-Хантай-Бүтээлийн нурууны дархан цаазат газрын хамгаалалтын захиргааны дарга Д.Эрдэнэбатаар ахлуулсан баг бамбаруушид оромж байр бэлдэж, мэргэжилтнүүдийн зөвлөмжийн дагуу асран хамгаалж байна.
