Монголын орчин үеийн поп, хайрын дууны урлагийн төлөөлөл болсон дөрвөн хамтлаг хамтран энэ зун үзэгч сонсогчдын сэтгэл зүрхийг хөдөлгөх тоглолт хийх гэж байна. Мотив, Нэгэн зүгт, Take Off, Sync хамтлагууд хамтран зургаадугаар сарын 7-ны орой SocialPay park-д ALL IN HIT 2 тоглолтоо толилуулна.
Энэ бол нэгэн үдшийг дотно мэдрэмж, сэтгэл хөдлөл, өнгөрсөн дурсамжаар дүүрэн өнгөрүүлэх ховорхон боломж. Хайрын уянгалаг дуунуудыг бодитоор тайзнаас мэдэрч, үзэгч бүрийн дотоод ертөнцөд хүрэх орой болох юм.
Тоглолтод оролцох хамтлагууд
Мотив — Цасан бороо, Чамдаа, Чи минь ганцхан зэрэг дуугаараа монгол залуусын дунд онцгой байр суурь эзэлдэг
Нэгэн зүгт — Анхны бороо зэрэг бүтээлээрээ үе үеийн залуусын сэтгэлийг нэг зүгт чиглүүлж чадсан
Take Off — Цасан дээр нэрийг чинь бичлээ дуугаараа олон зүрхийг догдлуулсан
Sync — Чи шүү шоугаар гарч ирж, уянгалаг, дурсамж шингээсэн дуунуудаар уран бүтээлээ туурвиж буй шинэ үеийн төлөөлөл
Тоглолтын тов
Байршил: SocialPay park
Огноо: 2025 оны зургаадугаар сарын 7
Тасалбар: Борлуулалт идэвхтэй үргэлжилж байгаа тул захиалгаа урьдчилан хийж амжихыг зөвлөж байна
