Жүжигчин Блэйк Лайвли болон “It Ends With Us” киноны найруулагч, жүжигчин Жастин Балдони нарын хооронд үүссэн шүүхийн маргаан шинэ шатанд гарлаа. Олон нийтийн сүлжээ болон хэвлэлүүдээр Блэйк Лайвлигийн дотны найз Тэйлор Свифт болон жүжигчин Бэн Аффлек нартай солилцсон хувийн захидлууд задарч, хэргийн нөхцөл байдалд шинэ мэдээллүүд нэмэгдээд байна.
Хувийн зурвасууд ба харилцааны зөрчил
Блэйк Лайвли 2024 онд зураг авалтын үеэр Жастин Балдониг өөрт нь бэлгийн дарамт үзүүлсэн хэмээн албан ёсоор гомдол гаргасан бөгөөд энэ нь Холливудын хамгийн их дуулиан тарьсан хэргүүдийн нэг болоод байгаа юм. Харин Балдонигийн зүгээс үүнийг өөрийнх нь нэр хүндийг гутаах зорилготой гүтгэлэг хэмээн эсэргүүцэж, хариу гомдол гаргаад байна. Шүүхийн явцад ил болсон мессежүүдэд Лайвли хамтран тоглогчоо “тэнэг найруулагч”, “өөрийгөө зохиолч гэж андуурсан алиалагч” хэмээн нэрлэж, Тэйлор Свифт рүү илгээсэн зурвастаа түүний эсрэг авч буй арга хэмжээний талаар нэлээд ширүүн үг хэллэг ашигласан нь тогтоогджээ.
Шүүхийн маргааны явцад ил болсон онцлох мэдээллүүд:
- Хувийн зурвасууд: Тэйлор Свифт рүү илгээсэн мессеждээ Балдониг “энэ новш ямар нэг юм ирж байгааг (шүүхийн гомдол) мэдээд байгаа бололтой” хэмээн бичсэн байна.
- Бэн Аффлект илгээсэн имэйл: Бэн Аффлек руу бичсэн цахим захидлууд нь олон нийтэд задарсан нь хэргийг улам ээдрээтэй болгов.
- Гэрчүүдийн мэдүүлэг: Жүжигчин Женни Слейт болон Изабела Феррер нар Жастин Балдонигийн талаар шүүхэд мэдүүлэг өгсөн нь ил болсон бөгөөд тэдний хэлсэн үгс хэргийн гол зангилаа болох төлөвтэй байна.
- Бэлгийн дарамтын гомдол: Лайвли 2024 онд Балдониг зураг авалтын талбай дээр зүй бус авир гаргаж, сэтгэл зүйн дарамт үзүүлсэн гэж буруутгасан.
- Балдонигийн байр суурь: Тэрбээр энэ бүхнийг Лайвлигийн зүгээс өөрийнх нь карьер болон нэр хүндэд зохион байгуулалттайгаар халдаж буй хэрэг гэж тайлбарлаж байна.
1 comment
Алдартнуудын амьдрал ч амар биш юм даа