Поп дуучин Бритни Спирс гэр бүлийнхнээсээ айдаг тухайгаа өөрийн Инстаграм хуудастаа нийтэлжээ. Тэрээр хүмүүс бие биетэйгээ холбоотой байхыг хүсдэг болохоос ганцаардахыг хүсдэггүй гэдгийг онцолсон байна.
“Тусламж гэдэг бол тусгаарлалт бөгөөд бусдаас ангид байлгах явдал юм гэж гэр бүлийнхэндээ хэлүүлж байсан хүмүүс… тэдний буруу байсан. Бид уучилж болох ч хэзээ ч мартахгүй. Харилцаа холбоог эрмэлзэх нь үргэлж маш чухал! Гэр бүлийнхэн минь надтай яаж харьцаж байсныг бодоход би амьд үлдсэн нь асар их аз бөгөөд одоо би тэднээс айж байна” гэж Спирс бичжээ.
Дуучин бүсгүй төрөл төрөгсөд нь түүнтэй хэрхэн харьцаж байсан буруугаа хэзээ нэгэн цагт хүлээх болов уу гэдэгт эргэлзэж байгаагаа илэрхийлсэн байна. Постныхоо төгсгөлд тэрээр сэдвээ өөрчлөн, “хөлийн хуруугаа хоёр удаа хугалсан” тул нэг сарын турш бүжиглээгүй гэдгээ дурджээ.
Хэргийн түүхээс:
- 2007 он: Сэтгэл санааны хямралд орсныхоо дараа Бритни Спирс үсээ хусч байв.
- 2008-2021 он: Сэтгэцийн шинжилгээний дараа тэрээр эцгийнхээ хараа хяналтад орсон бөгөөд энэ нь 2021 онд албан ёсоор дууссан.
- Одоогийн нөхцөл байдал: Хараа хяналт дууссанаас хойш тэрээр тайзан дээр гараагүй байгаа бөгөөд түүний олон нийтийн сүлжээнд оруулж буй бичвэрүүд нь шүтэн бишрэгчдийг нь сэтгэцийн эрүүл мэндэд нь санаа зовоход хүргэсээр байна.
