Казах түмний бүргэдээр ан хийх өв соёлыг сэргээж хадгалах, уламжлалт зан заншлыг хойч үед өвлүүлэх зорилгоор “Бүргэдийн баяр” жил бүр тогтмол зохион байгуулагддаг. Мөн уг арга хэмжээ нь бүргэдийн анчдын өвийг олон нийтэд таниулж, олон улсад сурталчлах чухал талбар болсоор ирсэн.
Нийслэлийн Аялал жуулчлалын газраас мэдээлснээр энэ жилийн “Бүргэдийн баяр-2026”-ыг цар хүрээг нь тэлж, анх удаа “Дэлхийн аварга шалгаруулах тэмцээн” хэлбэрээр зохион байгуулахаар төлөвлөжээ. Ингэснээр уламжлалт баярын хөтөлбөр өргөжин, олон улсын оролцоо, өрсөлдөөний ач холбогдол нэмэгдэхээр байна.
“Бүргэдийн баяр” 20 дахь жилдээ гуравдугаар сарын 7–8-ны амралтын өдрүүдэд болно. Арга хэмжээ Чингис Хааны Хүрээ аялал жуулчлалын цогцолборт зохион байгуулагдахаар товлогджээ.
Товч мэдээлэл:
- Арга хэмжээ: “Бүргэдийн баяр-2026”
- Онцлог: Анх удаа “Дэлхийн аварга шалгаруулах тэмцээн” хэлбэрээр
- Хугацаа: 3-р сарын 7–8 (амралтын өдрүүд)
- Байршил: Чингис Хааны Хүрээ аялал жуулчлалын цогцолбор
- Зохион байгуулагдах давтамж: 20 дахь жилдээ
