Table of Contents
Хүйтний улирал айлчлан ирж буй Австралид COVID-19 дахин гол анхаарлын төвд орж байна. Энэ удаа NB.1.8.1 нэртэй шинэ хувилбар нь гол шалтгаан болжээ. Энэхүү хувилбар нь Omicron-ийн шинэ салаа хувилбар бөгөөд анх 2025 оны 1-р сард илрүүлэгдсэн байна.
Дэлхий дахинд ямар нөхцөл байдал үүсч байна вэ?
2025 оны 5-р сарын байдлаар Австрали болон Ази тивийн хэд хэдэн улсад NB.1.8.1 хувилбар эрчимтэй тархаж байгаа бөгөөд ДЭМБ үүнийг “ажиглалтад буй хувилбар” хэмээн тодорхойлоод байна.
- Австралийн Викториа мужид нийт тохиолдлын 40%-ийг эзэлж буй бол
- Баруун Австралид хаягдал усны шинжилгээнээс энэ хувилбар давамгай байгааг харуулжээ
- Азийн бүс нутагт, тухайлбал Хонконг болон Хятад улсад NB.1.8.1 нь хамгийн түгээмэл хувилбар болсон байна
Шинжлэх ухааны ололт юу хэлжэж байна вэ?
NB.1.8.1 нь XDV нэртэй рекомбинант (холимог) шугамаас гаралтай бөгөөд T22N, F59S, G184S, A435S, V445H, T478I зэрэг олон мутацитай. Судалгаагаар энэхүү хувилбар нь:
- ACE2 рецептортой холбогдох чадвар өндөртэй,
- Эс рүү нэвтрэх чадвар нь бусад хувилбараас илүү байж болзошгүй,
- Вакцинд хариу үзүүлэх саармагжуулах эсрэгбиеийн хэмжээ нь 1.5 дахин бага байж болзошгүйг тогтоожээ.
Ямар шинж тэмдэг илэрч байна вэ?
NB.1.8.1 нь Omicron-ийн бусад хувилбаруудтай төстэй шинж тэмдэг үзүүлдэг. Үүнд:
- Хоолой өвдөх
- Ядаргаа
- Халуурах
- Хөнгөн ханиалгах
- Булчин өвдөх
- Хамар битүүрэх
- Зарим тохиолдолд хоол боловсруулах эрхтний шинж тэмдэг илэрч болзошгүй
Харин өнөөгийн байдлаар уг хувилбар хүнд хэлбэрийн өвчлөл үүсгэж буй талаар нотолгоо алга гэж ДЭМБ онцолжээ.
Вакцины хамгаалалт үргэлжилсээр байна уу?
NB.1.8.1 нь JN.1 хувилбараас гаралтай тул сүүлийн үеийн вакцин бустерууд энэ хувилбараас хамгаалалт үзүүлэх чадвар-тай хэвээр гэж үзэж байна. ДЭМБ-ийн мэдээлснээр:
- Хэдий саармагжуулах эсрэгбиеийн хариу бага зэрэг буурч байгаа ч
- Вакцинууд хүнд хэлбэрийн өвчнөөс сэргийлэх үр нөлөөгөө хадгалж байгаа
Одоо вакцин хийлгэх нь зөв үү?
Тийм. Хэрэв та эрхтэй бол дахин дархлаажуулалт хийлгэх нь зөв үе. Ялангуяа эмнэлгийн хувьд эмзэг бүлгийн иргэдийн хувьд COVID-19 нь ноцтой эрсдэл хэвээр үлдэж байгаа тул вакцинд хамрагдах нь оновчтой шийдвэр гэж үзэж байна.
