Монгол Улсын Ерөнхийлөгч Ухнаагийн Хүрэлсүх Увс аймгийн түүхт 100 жилийн ойг тохиолдуулан зарим эрхмэд төрийн дээд одон, медаль, цол хүртээлээ. Тэдний дунд Монгол Улсын үндэсний бөхийн 10 дахь дархан аварга Намсрайжавын Батсуурь “Монгол Улсын гавьяат тамирчин” цолоор шагнагдлаа.
Увс аймгийн Ховд сумын харьяат, үндэсний бөхийн дархан аварга Н.Батсуурь нь улсын баяр наадамд:
- 2014, 2018, 2019, 2024 онуудад түрүүлсэн
- 10 удаа шөвгөрсөн амжилттай
Энэ нь түүнийг Монгол бөхийн шилдэгүүдийн нэг болохыг илтгэж байгаа бөгөөд түүний хөдөлмөрийг төрөөс ийнхүү үнэлж, гавьяат цол олголоо.
Түүх сөхвөл, Монгол Улсын анхны дархан аварга Б.Түвдэндорж 1960 онд “гавьяат тамирчин” цолоор анх шагнуулж байжээ. Түүнээс хойш:
- 1967 онд Ж.Мөнхбат
- 1971 онд Х.Баянмөнх
- 1989 онд Б.Бат-Эрдэнэ
- 1991 онд Д.Цэрэнтогтох
- 2005 онд А.Сүхбат, Г.Өсөхбаяр нар
гавьяат цол хүртэж байсан байна.
Мөн дархан аварга Д.Дамдинд 1973 онд циркийн урлагт оруулсан хувь нэмрийг нь үнэлж, “гавьяат жүжигчин” цол хүртээж байжээ.
