Table of Contents
2025 оны эхээр дэлхийн хамгийн өндөр настай хэмээн албан ёсоор бүртгэгдсэн Бразилын иргэн Ина Канабарро Лукас 116 насандаа нас баржээ. Тэрээр 1908 оны зургаадугаар сарын 8-нд мэндэлж, амьдралынхаа ихэнх хугацаанд гэлэнмаа байжээ.
Хөл бөмбөгийн үнэнч хөгжөөн дэмжигч байсан түүх
Лукас зөвхөн насныхаа амжилтаар ч биш, хөл бөмбөгт үзүүлсэн үнэнч дэмжлэгээрээ олон нийтэд танигдсан. Түүний гэр бүлийнхний хэлснээр, жил бүрийн төрсөн өдрөө өөрийн хайртай багийн цэнгэлдэх хүрээлэнгийн хэлбэртэй бялуугаар тэмдэглэдэг байжээ. Сүүлийн төрсөн өдрөөрөө Лукас дэмждэг багийнхаа ороолтыг зүүж байсан гэдэг.
Урт насалсан нууц
Лукас амьдралынхаа туршид ямар нэгэн ноцтой өвчнөөр өвдөөгүй бөгөөд нас ахих тусам бие нь аажмаар сульдаж эхэлсэн байна. Түүнийг бага насанд нь туранхай учир урт наслахгүй гэж ойр дотных нь хүмүүс таамаглаж байсан ч, тэр энэ бүхнийг үгүйсгэж, 116 насалжээ.
Шинэ хамгийн өндөр настай хүн тодорлоо
Лукасын таалал төгссөний дараа Их Британийн иргэн Этэл Катерхам (115 настай) дэлхийн хамгийн өндөр настай хүнээр нэрлэгдэж эхэлжээ.
