6
2025 оны есдүгээр сарын 11-нд АНУ-ын Колорадо мужийн Денвер хотын захад байрлах Эвергрин ахлах сургуульд ноцтой хэрэг гарлаа. Өсвөр насны нэгэн сурагч сургуулийнхаа хоёр сурагч руу буудаж, дараа нь өөрийн амийг хөнөөсөн байна.
Хэргийг орон нутгийн цагаар 12:30 цагийн үед бүртгэжээ. Денверээс баруун тийш ойролцоогоор 50 км-т орших тус сургуульд болсон халдлагын талаар цагдаагийн газрын хэвлэлийн төлөөлөгч Жаки Келли мэдэгдэв. Хэргийн шалтгаан одоогоор тодорхойгүй байгаа бөгөөд мөрдөн шалгах ажиллагаа үргэлжилж байна.
Шархдсан хоёр сурагч болон буудсан хүүхдийг яаралтай эмнэлэгт хүргэсэн ч буудлага үйлдсэн өсвөр насны сурагч эмнэлэгт очоод амиа алдсан байна. Харин хоёр сурагч одоогоор эмчилгээ хийлгэж байгаа талаар мэдээлжээ.
