Эмэгтэй шигшээ баг Зүүн Азийн АШТ-д 5-р байрт шалгарлаа

Зүүн Азийн волейболын эмэгтэйчүүдийн аварга шалгаруулах тэмцээн энэ сарын 26-31-нд Хонконгод болж өндөрлөв. Тэмцээнд оролцсон Монгол Улсын эмэгтэй шигшээ баг тавдугаар байр эзэллээ.

Манай баг хэсгийн шатанд Тайванд 3:0, талбайн эзэн Хонконгод 3:2 харьцаагаар хожигдсон ч, байрлал ахиулах тоглолтод Макаог 3:0-ээр буулгаж авснаар 5-р байрт бичигдэв.

Энэ удаагийн тэмцээнд:

• Тайвань
• БНСУ
• Макао
• Хонконг
• БНХАУ
• Монгол Улс

гэсэн зургаан улсын баг өрсөлдсөн юм.

Шигшээ багийг ОУХМ Б.Хэрлэн, Д.Билгүүн, А.Мөнхбаяр нар удирдан дасгалжуулжээ.