Хичээлийн шинэ жил эхлэхтэй холбогдуулан наймдугаар сарын 27-ноос есдүгээр сарын 16-ны хооронд тээврийн хэрэгслийг замын хөдөлгөөнд тэгш, сондгойгоор хязгаарлах зохицуулалт хэрэгжиж байгаа юм.
Энэ долоо хоногийн амралтын өдрүүдэд уг журам дагуу маргааш тэгш тоогоор төгссөн дугаартай автомашин, нөгөөдөр сондгой тоогоор төгссөн дугаартай автомашин замын хөдөлгөөнд оролцоно. Хязгаарлалт 08:00–20:00 цагийн хооронд нийслэлийн зургаан дүүргийн хэмжээнд үйлчилнэ. Энэ удаад бүсчлэл хийхгүй бөгөөд бүх чиглэлд хэрэгжинэ. Харин есдүгээр сарын 1-нд буюу хичээлийн шинэ жилийн эхний өдөр бүх автомашинд зорчих эрх нээлттэй байна.
Сондгой тоогоор төгссөн дугаартай тээврийн хэрэгсэл наймдугаар сарын 27, 29, 31-нд, есдүгээр сарын 3, 5, 7, 9, 11, 13, 15-нд явна. Харин тэгш тоогоор төгссөн дугаартай тээврийн хэрэгсэл наймдугаар сарын 28, 30-нд, есдүгээр сарын 2, 4, 6, 8, 10, 12, 14, 16-нд замын хөдөлгөөнд оролцоно.
