Цахим спортын CS2 төрлийн “IEM Chengdu 2025” тэмцээн ид өрнөж, өнөөдрийн шөвгийн наймын тоглолтуудаар хагас шигшээд шалгарах багууд тодров. Хэсгээ тэргүүлсэн багууд шууд дараагийн шат руу гарсан бол хоёр, гуравдугаар байр эзэлсэн багууд эргэн шөвгийн наймд өрсөлдсөн юм.
Монголын The MongolZ баг Бразилын FURIA багтай учраа тааран тоглолоо. Латвийн YEKINDAR болон Казахстаны залуу од molodoy нарыг нэгтгэсэн цагаасаа хойш FURIA гайхалтай өсөлтийг үзүүлж, бүр “Valve”-ийн дэлхийн чансааг тэргүүлээд амжсан.
Өмнөх есөн учраа тоглолтоос The MongolZ тавыг нь ялж байсан ч сүүлийн гурван тоглолт дараалан FURIA давамгайлсан бөгөөд энэ удаад ч тэр хандлага өөрчлөгдсөнгүй.
FURIA баг 2–0 харьцаатай хожиж, хагас шигшээд шалгарсан бол molodoy энэ тоглолтын гол тоглогч байж, үзэгчдийг шуугиуллаа. Харин нөгөө талд Vitality баг Astralis-ийг буулган авч, мөн амжилттай хагас шигшээ рүү давшсан.
Маргаашийн хагас шигшээ тоглолтын хуваарь:
- Falcons 17:45 FURIA
- MOUZ 14:30 Vitality
Тэмцээний тоглолтууд улам ширүүсэж, эцсийн ялалтын төлөөх өрсөлдөөн оргилдоо хүрэхээр байна. Мөн The MongolZ баг энэ улиралд ивээн тэтгэгчдийн нэг болох 1xBet-той хамтран ажиллаж байгааг тэмцээний албан мэдээлэлд дурджээ.
2 комментария
The MongolZ сайхан тоглосон ч FURIA үнэхээр хүчтэй байлаа
Бидэнд энэ бол туршлага, дараагийн удаа заавал ялна