2025 оны нэгдүгээр ээлжийн цэрэг татлагын үйл ажиллагаа Улаанбаатар хотын зургаан дүүрэгт тавдугаар сарын 2, 3, 4-ний өдрүүдэд явагдахаар товлогдлоо. Энэ талаар НЗДТГ-ын Цэргийн штабын дарга Г.Ялалт мэдээлэл өгсөн байна.
Цэрэг татлага ямар байдлаар зохион байгуулагдах вэ?
Цэрэг татлагыг Үндсэн хуулиар хүлээсэн иргэний цэргийн алба хаах үүргийн хүрээнд зохион байгуулна.
Энэ удаад хилийн болон дотоодын цэргийн ангиудад хугацаат албанд залуусыг татна.
Оюутан цэргүүдийн тухай Засгийн газрын шинэ шийдвэрийн дагуу:
1, 2, 3 дугаар дамжааны оюутнуудыг хамруулсан.
Төгсөх ангийн оюутнуудыг чөлөөлсөн байна.
Эрүүл мэндийн үзлэг, халдварт өвчний сорил
Цэрэгт татагдах залуус 8 төрлийн эрүүл мэндийн шинжилгээ өгөх ба үүнд:
Сүрьеэ
ДОХ (ХДХВ)
Тэмбүү зэрэг халдварт өвчний сорил, оношилгоо хийгдэх ажээ.
Шаардлагатай бичиг баримт:
Цэрэг татлагын байранд ирэхдээ дараах бичиг баримтыг авч очно:
Иргэний үнэмлэх
Цэргийн үүрэгтний үнэмлэх
Мэргэжлийн үнэмлэх
Диплом (байгаа бол)
Цэрэг татлага явагдах байрууд (2025.05.02–05.04):
Баянгол дүүрэг – 96-р сургууль
Баянзүрх дүүрэг – 14-р сургууль
Сүхбаатар дүүрэг – 3-р сургууль
Сонгинохайрхан дүүрэг – 83-р сургууль
Чингэлтэй дүүрэг – 5-р сургууль
Хан-Уул дүүрэг – 34-р сургууль
Цэргийн штабын дарга Г.Ялалт уриаллаа:
“2024 оны эхний ээлжийн цэрэгт татагдсан залуус маргааш халагдаж ирнэ. Тэднийг хүндэтгэн хүлээн авч, ажлын байранд зуучлах үйл ажиллагаа зохион байгуулна. Харин шинээр татагдах залуусыг цэрэг татлагад идэвхтэй оролцохыг уриалж байна.”
