Поколение Z буюу зумерууд нь 1990-ээд оны дунд үеэс 2010-аад оны эхэн хүртэл төрсөн хүмүүсийг хэлдэг. Энэ үеийнхэн амьдралыг шинэлэг өнцгөөс харж, ахмад үеийнхнийг гайхшруулдаг өөр төрлийн хандлага, үнэт зүйлтэй. Тэд ажил, карьертаа бүтээлч байдал, эрх чөлөө, сэтгэл ханамжийг чухалчилдаг. Харин эдгээр зүйл дутмаг бол ажил нь тэдний хувьд жинхэнэ сорилт болдог. Судалгаагаар зумеруудын хувьд хамгийн их стресс төрүүлдэг ажил нэг тодорчээ.
Хамгийн стресс үүсгэдэг ажил
Сэтгэл судлаачдын үзэж байгаагаар нийгмийн ажилтан бол Ген Z-ийн хувьд хамгийн хүнд ажил юм. Үүнд хэд хэдэн шалтгаан бий. Нийгмийн ажил нь хүндрэлтэй нөхцөлд байгаа хүмүүстэй байнгын харилцаанд ордог тул энэ нь зумеруудын сэтгэл зүйг ихээхэн ядраадаг. Тэд карьерийн төлөө өөрийн сэтгэл санааны эрүүл мэндийг золиослохыг хүсдэггүй.
Мөн нийгмийн ажилтан мэргэжил нь уян хатан бус ажлын цагийн хуваарьтай байдаг нь стрессийн бас нэг шалтгаан. Орчин үеийн залуус алсаас ажиллах, цагийн хувьд илүү эрх чөлөөтэй байхыг хүсдэг. Харин нийгмийн ажил нь эсрэгээрээ — хатуу хуваарь, тогтмол газар дээр ажиллах шаардлагатай. Иймээс энэ мэргэжил зумеруудын амьдралын хэв маягт нийцэхгүй гэж судлаачид үзэж байна.
Ерөнхийдөө зумерууд хүмүүстэй хэт их харилцах шаардлагатай, нэгэн хэвийн ажлыг таашаадаггүй. Тэдэнд карьерийн өсөлт, сайн цалин чухал. Иймээс нийгмийн ажилтан мэргэжил нь Generation Z-ийн хувьд хамгийн тохиромжгүй, хамгийн их стресс дагуулдаг ажил юм.
