Өмнөд Солонгосын шинэ охидын хамтлаг “Huntr/x” олон улсын хөгжмийн ертөнцөд гайхалтай амжилт гаргаж, шинэ рекорд тогтоожээ.
Тэдний саяхан гаргасан “Golden” сингл АНУ-ын нэр хүндтэй “Billboard Hot 100” чартад энэ долоо хоногт 5-р байранд жагслаа. Энэ амжилт нь зөвхөн “Huntr/x” хамтлагийн хувьд бус, K-pop-ийн түүхэнд томоохон үйл явдал болж байна. Өмнө нь K-pop охидын хамтлагуудаас “Blackpink” хамтлагийн “Ice Cream” болон “Pink Venom” дуунууд уг чарт дээр өндөрт бичигдэж байсан ч “Huntr/x” хамтлаг тэдний амжилтыг давж, K-pop охидын хамтлагийн дээд амжилтыг шинэчлэн тогтоожээ. Богино хугацаанд ийм өндөр амжилтад хүрсэн нь шинэ хамтлагийн дэлхийн хөгжмийн зах зээлд үзүүлж буй нөлөөг онцолж байна.
“Golden” дуу хэдхэн долоо хоногийн дотор TikTok, YouTube, Spotify зэрэг платформуудад асар хурдтай тархаж, сая сая сонсогчийн анхаарлыг татжээ. Хөгжмийн мэргэжилтнүүд “Huntr/x”-ийн энэ амжилтыг K-pop салбарын олон улсын өрсөлдөөн улам ширүүсэж, шинэ үеийн хамтлагуудын нөлөө нэмэгдэж буйг харуулсан тод жишээ хэмээн үнэлж байна.
