15
2025 оны долоодугаар сарын 11-нд Ховд аймгийн төв Жаргалант суманд болсон баяр наадам ёслол төгөлдөр болж өндөрлөлөө. Үндэсний спортын хамгийн их сонирхол татсан төрөл болох бөхийн барилдаанд нийт 128 бөх хүч үзэв.
Тус барилдаанд:
- Чандмань сумын харьяат, аймгийн заан Б.Базарсад түрүүлж,
- Мөст сумын харьяат, сумын заан О.Чадалбат үзүүрлэн амжилт гаргалаа.
Ийнхүү хоёр бөх амжилтаараа шинэ цолны болзол хангаж, олон түмнээ баясгалаа.
- Б.Базарсад — «Аймгийн арслан» цол хүртлээ
- О.Чадалбат — «Аймгийн заан» цолоор энгэрээ мялаалаа
Эдгээр амжилт нь баруун бүсийн хүчтэнүүдийн эр чадал, урам зоригийг илтгэхийн зэрэгцээ цаашдын улс, бүсийн барилдаанд амжилт үзүүлэх нөхцөлийг бүрдүүлж байна.
