Өмнөд Африкийн Бүгд Найрамдах Улсын хос хоёр эцэг эхийнх нь илүүдэл жингээс болж хүүг нь сургууль дээр нь дээрэлхэх болсны дараа хамтдаа 264 кг жин хасаж чаджээ.
Давид болон Роуз-Мари Ломбард нар нийтдээ 440 кг жинтэй байсан бөгөөд цусны даралт ихсэх, 2-р хэлбэрийн чихрийн шижин, амьсгал түр саатах (апноэ) зэрэг эрүүл мэндийн ноцтой асуудалтай байв. 300 кг дөхөж байсан 39 настай Давидад эмч нар “40 нас хүрэхгүй байх магадлалтай” гэж анхааруулж байжээ. Тэрээр хөдөлгөөний хязгаарлагдмал байдлаас болон ажлаа ч орхиход хүрсэн байна.
Тэдний 10 настай хүү Диван эцэг эхийнхээ жингээс болж сургууль дээрээ доромжлуулж эхэлсэн нь амьдралыг нь өөрчлөх шийдвэр гаргахад хүргэжээ.
- Давид: 18 сарын дотор 183 кг хасаж, бүсэлхийн тойргоо 190 см-ээс 80 см болгож багасгасан.
- Роуз-Мари: 140 кг жинтэй байхдаа 81 кг хасаж, бүсэлхийгээ 140 см-ээс 50 см болгожээ.
Турсан арга барил
Өмнө нь тэд өдөрт 12 литр чихэрлэг хийжүүлсэн ундаа ууж, түргэн хоол, амттанаар хооллодог байжээ. Тэдний өөрчлөлт дараах алхмуудаас бүрдсэн байна:
- Алхалт: Эхний үед өдөрт ердөө 100 метр алхдаг байсан бол одоо Давид өдөрт 5 км-ээс багагүй алхдаг.
- Дасгал хөдөлгөөн: Хагас жилийн дараа спорт заал руу явж эхэлсэн бөгөөд одоо өдөр бүр бэлтгэл хийдэг.
- Хооллолт: Уураг, хүнсний ногоо, бүхэл үрийн бүтээгдэхүүн дээр суурилсан тэнцвэртэй хооллолт руу шилжсэн.
- Мэргэжлийн тусламж: Хувийн дасгалжуулагч, хоол зүйч болон цусан дахь глюкозын хэмжээг хянах эмчилгээний тусламж авчээ.
Өдгөө хосуудын өмнөх оношлогдсон өвчнүүд нь тэднийг зовоохоо больсон байна. Тэд шинэ бие галбиртай болсондоо баяртай байгаа бөгөөд хуримын бөгжөө шинэчилж, дахин хуримлахаар төлөвлөж байгаа аж.
