Илон Маск 500 тэрбум долларын хөрөнгөтэй болсон анхны хүн

SpaceX, Tesla болон X (хуучнаар Twitter)-ийн эзэн Илон Маск дэлхийн анхны 500 тэрбум долларын хөрөнгөтэй хүн боллоо. Ингэснээр тэрээр хүн төрөлхтний түүхэнд анхны триллионер болох замдаа хагас гарсан гэж Forbes 10-р сарын 1-нд мэдээлэв.

Хөрөнгийн өсөлт

Forbes-ийн Real-Time Billionaires индексийн мэдээлснээр, Tesla-ийн хувьцааны огцом өсөлт Маскийн хөрөнгийг 9.3 тэрбум доллароор нэмэгдүүлж, 500 тэрбумын босгыг давуулжээ. Гэвч дараа нь үзүүлэлт бага зэрэг буурч, өдрийн эцэст түүний хөрөнгө 499.1 тэрбум доллар болсон байна.

Tesla-ийн үсрэлт ба баяжлын түүх

• 2020 оны 3-р сард Маскийн хөрөнгө 24.6 тэрбум доллар байв.
• Тухайн оны 8-р сард Tesla-ийн хувьцааны өсөлтөөр тэрээр 100 тэрбум долларын хөрөнгөтэй тав дахь хүн болсон.
• 2021 оны 1-р сард анх удаа дэлхийн хамгийн баян хүн болсон (190 тэрбум $).
• 200 тэрбумыг 2021 оны 9-р сард, 300 тэрбумыг 11-р сард, 400 тэрбумыг 2024 оны 12-р сард давсан.

Өөр үзүүлэлтүүд

Bloomberg-ийн үнэлгээгээр Маскийн хөрөнгө 470 тэрбум доллар гэж гарч байгаа бөгөөд энэ нь Forbes-ийн тооцооллоос бага байна. Forbes болон Bloomberg-ийн жагсаалтын хоёрдугаарт Oracle-ийн үүсгэн байгуулагч Ларри Эллисон бичигдэж байгаа бөгөөд түүний хөрөнгө Маскаас 120–150 тэрбум доллараар бага.

Ирээдүйн төлөв

Forbes-ийн таамагласнаар Илон Маск 2033 он гэхэд анхны триллионер болж магадгүй. Харин Informa Connect Academy-ийн өмнөх жилийн судалгаагаар тэрээр бүр 2027 он гэхэд триллионер болж чадах талаар дурджээ.