19
Солонгосын алдарт дуучин, жүжигчин IU Сөүл хотноо энэ сарын 2-нд зохион байгуулагдсан Сөүл Олон Улсын Драма Наадам 2025-аас “Шилдэг Солонгос Драмын Эмэгтэй Жүжигчин” шагналыг хүртлээ.
Тус наадмын үеэр өмнөх жилийн энэ төрөлд ялалт байгуулсан жүжигчин Ёом Хе Ран хүндтэй шагналыг гардуулан өгсөн юм.
IU-ийн талархлын үг
IU тайзан дээр гараад:
- “When Life Gives You Tangerines-ийг хайрласан бүх хүнд баярлалаа” гэж эхлээд, зохиолч Им Санг Чүн, найруулагч Ким Вон Сок болон зураг авалтын бүх баг хамт олондоо энэ хүндэтгэлийг зориулж буйгаа илэрхийлэв.
Тэрээр мөн: - “Би Э Сүн, Гым Мён, тэдний гэр бүлүүдийг хайрладаг. Тэдэнтэй өнгөрүүлсэн цаг хугацаа зөвхөн ажил бус, миний амьдралд гүн ул мөр үлдээсэн” хэмээн сэтгэлээ хуваалцав.
Тэрбээр үгээ өндөрлөхдөө:
- “When Life Gives You Tangerines миний хувьд үргэлж бахархал, нэр төр байх болно” гэж онцолсон юм.
Наадмын онцлох мэдээлэл
- Сөүл Олон Улсын Драма Наадам нь 20 дахь жилдээ зохион байгуулагдаж байна.
- Энэ жил нийт 50 орны 276 бүтээл, 400 гаруй нэр дэвшигч өрсөлдөв.
- Наадам нь дэлхий дахины шилдэг телевизийн бүтээлүүдийг шалгаруулдгаараа нэр хүндтэйд тооцогддог.
