Киргиз, Монгол хоёр улс нийгмийн хамгааллын бодлого, тэтгэврийн тогтолцооны чиглэлээр туршлага солилцлоо

Бүгд Найрамдах Киргиз Улсын Нийгмийн сангийн газрын Тэтгэвэр, тарифын бодлогын газрын дарга Жылдыз Кулжанова тэргүүтэй төлөөлөгчид Монгол Улсын Гэр бүл, Хөдөлмөр, Нийгмийн Хамгааллын яамны албаныхантай цахим уулзалт зохион байгуулж, хоёр улсын нийгмийн хамгааллын тогтолцоо, тэтгэврийн бодлогын талаар харилцан мэдээлэл солилцлоо.

Уулзалтын гол агуулга:

• Монголын талаас Нийгмийн даатгал, хуримтлалын сангийн хэлтсийн дарга А.Хишигбаяр манай улсын нийгмийн даатгалын тогтолцоо, тэтгэврийн хуримтлалын сангийн үйл ажиллагааны талаар танилцуулсан.
• Мөн “Алсын хараа-2050” бодлогын баримт бичгийн хүрээнд гадаадад ажиллаж, амьдарч буй иргэдийн нийгмийн хамгааллын эрхийг хангах зорилтууд тусгагдсаныг онцлов.

Хоёр улсын иргэдийн хөдөлгөөний хандлага:

• Монгол Улсын 130 орчим иргэн Киргиз улсад,
• Киргизийн 60 гаруй иргэн Монголд амьдарч буй мэдээллийг Гадаад харилцааны яам танилцуулжээ.
• Цаашид хоёр улсын иргэдийн хөдөлгөөн нэмэгдэх хандлагатай байгаа тул нийгмийн хамгааллын хамтын ажиллагааг өргөжүүлэх шаардлага бий болсон байна.

Монгол Улсын олон улсын туршлага:

Монгол Улс дараах орнуудтай нийгмийн хамгааллын хэлэлцээр байгуулан хэрэгжүүлж байна:

• ОХУ (1981)
• БНСУ (2006)
• Унгар (2012)
• Польш (2019)
• Турк (2018)
• Чех (2019)

Мөн 2024 онд:

• Казахстантай тэтгэврийн хамтын ажиллагааны хэлэлцээрт гарын үсэг зурж, энэ оны хугацаанд УИХ-аар соёрхон батлуулахаар ажиллаж байна.

Цаашдын зорилтууд:

• ОХУ-тай байгуулсан хуучин хэлэлцээрийг шинэчлэн сайжруулах
• Австри, Австралийн Холбооны Улс зэрэг орнуудтай шинэ хэлэлцээр байгуулах чиглэлээр ГБХНХЯ ажиллаж байна.