Леброн Жэймс Майкл Жорданыг гүйцэж, НБА-ын шинэ дээд амжилтыг тогтоолоо

Леброн Жэймс сагсан бөмбөгийн түүхэн дэх ээлжит нэгэн рекордын эзэн боллоо.

“Лос-Анжелес Лэйкерс” баг “Клипперс”-т 88:103-аар хожигдсон тоглолтод багийн од, довтлогч Леброн Жэймс 36 оноо (талбай дээрх шидэлт 28-аас 15, холын зайн шидэлт 7-оос 3, торгуулийн шидэлт 5-аас 3) авч, тоглолтын хамгийн үр дүнтэй тоглогч болсон юм.

Энэхүү амжилтынхаа ачаар 40 настай Жэймс домогт Майкл Жорданыг гүйцэж, 40 болон түүнээс дээш насандаа 35-аас дээш оноо авсан тоглолтынхоо тоогоор НБА-ын түүхэн дэх шинэ дээд амжилтыг тогтоов.

Ийм амжилт үзүүлсэн сагсан бөмбөгчдийн жагсаалт:

• Леброн Жэймс: 4 удаа
• Майкл Жордан: 3 удаа