7
Монгол Улсын хэмжээнд мал, тэжээвэр амьтдын жилийн эцсийн тооллого ирэх Ням гарагаас буюу 2025 оны 12-р сарын 7-ны өдрөөс албан ёсоор эхлэх гэж байна. Энэхүү тооллогын ажиллагаа нийт 10 хоног үргэлжлэх бөгөөд 12-р сарын 7-ноос 17-ны өдрүүдэд улс орон даяар зохион байгуулагдах юм.
Өнгөрсөн оны тооллогын тойм
Өнгөрсөн 2024 оны жилийн эцсийн мал тооллогын урьдчилсан дүнгээр — Улсын хэмжээнд 57.6 сая толгой мал тоологдсон байна.
Мөн малын тоо толгойгоор тэргүүлсэн аймгууд нь:
- Адуу, Үхэр: Архангай аймаг
- Тэмээ: Өмнөговь аймаг
- Хонь: Өвөрхангай аймаг
- Ямаа: Баянхонгор аймаг
ҮСХ-ны уриалга
Үндэсний статистикийн хорооноос малтай айл өрх, аж ахуйн нэгж, байгууллагуудад хандан дараах зөвлөмж, уриалгыг хүргэж байна.
- Бэлчээрлэлт: Тооллогын хугацаанд мал сүргээ ойр бэлчээрлүүлэх.
- Хамрагдалт: Жилийн эцсийн тооллогодоо идэвхтэй хамрагдахыг уриалж байна.
Тооллогын мэдээлэл нь улс орны эдийн засаг, мал аж ахуйн салбарын бодлого төлөвлөлтөд чухал ач холбогдолтой тул малчид хугацаанд нь үнэн зөвөөр мэдээллээ өгөхийг хүсэж байна.
