Бангкокийн Өмнөд дүүргийн шүүх «Мисс Тэнгэрийн Бүсгүй» (Miss Universe) болон «Мисс АНУ» (Miss USA) гоо сайхны тэмцээнүүдийн Тайландын хамтран өмчлөгч Жаккафонг Жаккраютатип-ийг баривчлах зөвшөөрөл олгов.
Medee.news-ийн дамжуулснаар, энэ тухай AP агентлаг мэдээлжээ.
Жаккраютатип анх 2023 онд луйврын хэргээр буруутгагдаж байсан бөгөөд мөн онд батлан даалтаар суллагдсан. Гэвч 2025 оны арваннэгдүгээр сарын 25-нд тус бизнес эрхлэгч хуулийн шаардлагын дагуу Бангкокийн шүүхэд болох хэргийн хуралд ирээгүй байна. Үүний улмаас түүнийг шударга ёсноос зугтаж болзошгүй гэж үзэн баривчлах шийдвэр гаргажээ.
Хэргийн шүүх хурал арванхоёрдугаар сарын 26-нд шилжжээ.
Шүүхийн мэдэгдлийн дагуу, Жаккафонг болон түүний JKN Global Group Public Co. Ltd. компанид нэхэмжлэл гаргасан байна. Тэдэнд тус компанийн корпорацын бондыг худалдахдаа Равиват Маскамадол хэмээх хүнийг хуурсан хэрэгт буруутгагдаж байгаа аж. Равиват уг хөрөнгө оруулалтаас болж 30 сая бат (ойролцоогоор 840,000 ам.доллар) алдсан гэж мэдэгджээ. Тус компани санхүүгийн хүндрэлтэй тулгарч, техникийн дефолт (өрийн үүргээ биелүүлж чадахгүйд хүрэх) зарласан байна. Корпорацийн нийт өр 3 тэрбум бат (ойролцоогоор 84 сая ам.доллар) орчим байна.
2025 оны зургадугаар сард Тайландын Үнэт цаас, Хөрөнгийн Биржийн Комисс Жаккраютатип-ийг компанийнхаа 2023 оны санхүүгийн тайланг хуурамчаар үйлдсэн хэргээр буруутгасан. Үүний дараа тус бизнес эрхлэгч компани дахь бүх албан тушаалаасаа чөлөөлөгдсөн байна.
