Олон Улсын Жүдогийн Холбоо (IJF)-ноос зохион байгуулдаг цуврал тэмцээний нэг болох Абу Дабигийн «Их Дуулга» тэмцээн 11-р сарын 27-нд нээлтээ хийж, 11-р сарын 30-ны шөнө өндөрлөлөө. Нийт 52 орны 370 гаруй жүдоч өрсөлдсөн тус тэмцээнд Монгол Улсын тамирчид амжилттай оролцож, гурван медаль хүртсэнээр медалийн чанараараа дөрөвдүгээрт бичигдэж байна.
Алтан Медаль: Б.Гончигсүрэн
Тэмцээний сүүлийн өдөр хүч сорьсон МУГТ Б.Гончигсүрэн түрүүлснээр сүүлийн гурван «Их Дуулга» тэмцээнд дараалан түрүүлж, Монголын төрийн дууллыг эгшиглүүллээ. Тэрбээр өмнө нь долоо болон есдүгээр сард болсон Улаанбаатар болон Чиндаогийн «Их Дуулга»-аас мөн алтан медаль хүртээд байсан юм.
Мөнгөн Медалиуд:
Монголын жүдочид мөн хоёр мөнгөн медаль хүртэж, амжилтаа бататгасан.
- Э.Ариунболд (60 кг): МУГТ, Дэлхийн Аварга Шалгаруулах Тэмцээн (ДАШТ)-ий дэд аварга Э.Ариунболд финалд шалгарч мөнгөн медаль хүртлээ.
- Ялалтууд: Тэрээр эхний даваанд ОХУ-ын Харун Тлешивийг вазаригаар, дараагийн тойрогт Италийн Андреа Карлониг юкогоор илүүрхсэн. Улмаар Туркийн Салих Елдиз, Гүржийн Гиоржи Сардалашвили нарыг цэвэр ялсан.
- Л.Энхрийлэн (63 кг): Тэмцээний хоёр дахь өдөр эмэгтэйчүүдийн 63 кг-д өрсөлдсөн ДАШТ-ий хошой хүрэл медальт, МУГТ Л.Энхрийлэн мөн финалд шалгарсан ч Японы Мегү Доннад цэвэр ялагдаж, мөнгөн медалийг энгэртээ зүүв.
Б.Гончигсүрэнг ирэх долоо хоногт Токиогийн «Их Дуулга» тэмцээн хүлээж байгаа юм.
