Наадмын өдрүүдэд эмнэлгүүд амралтгүй, 24 цагаар ажиллана

2025 оны Үндэсний их баяр наадмын өдрүүдэд иргэдийн эрүүл мэнд, аюулгүй байдлыг хангах үүднээс нийслэл болон орон нутгийн эрүүл мэндийн байгууллагууд бүрэн хүчин чадлаар ажиллахаар болжээ.

Эрүүл мэндийн байгууллагууд баярын амралтын хугацаанд буюу долоодугаар сарын 10-15-ны хооронд амралтгүй, 24 цагийн турш иргэдэд тусламж, үйлчилгээ үзүүлнэ. Энэ хүрээнд Улаанбаатар хотын томоохон эмнэлгүүд болон аймаг, сумын эмнэлгүүдийн жижүүрийн хуваарь гарсан бөгөөд эмч, сувилагч, эмнэлгийн ажилтнууд бэлэн байдалд ажиллах юм.

Эрүүл мэндийн салбарынхан баярын үеэр эрсдэлтэй нөхцөл байдалд иргэдийг хурдан шуурхай хүлээн авах, түргэн тусламжийг саадгүй хүргэх зорилт тавьсан байна.