Table of Contents
Нагоя башё 2025 оны долдугаар сарын 27-нд өндөрлөлөө. Энэ удаагийн тэмцээн монгол бөхчүүдийн хувьд хүлээлт, уналт, бахархал, түүхэн амжилтаар дүүрэн байв.
Хоошёорюү — Тэмцээн дундаас хасагдсан ёкозүна
Ёкозүна Хоошёорюүгийн хувьд хамгийн харамсалтай мэдээ ирсэн. Тэрбээр зүүн шилбэний шөрмөс суналт, зөөлөн эдийн гэмтэл, хөлийн эрхий хурууны гэмтлийн улмаас 1-4-10 гэсэн үзүүлэлттэйгээр тэмцээнээс гарч, нэг сарын хугацаанд эмчилгээ хийлгэх шаардлагатай болжээ.
Киришима — Сэкивакегийн бүдэг төгсгөл
Сэкиваке Киришима 8 даваа, 7 унаатайгаар башёг дуусгасан ч сүүлийн таван өдөр дараалан ялагдсан нь шүүмжлэл дагуулсан. Шинэ ёкозүна болоход хэт ойртсон ч дахин хойшлогдож магадгүй байна.
Тамаваши — 40 насандаа шинэ дээд амжилт
Башёгийн гол од нь Тамаваши байлаа. 11 даваатайгаар “Дайчин барилдаан”-ы шагнал болон кинбоши хүртсэн тэрээр 40 нас, 8 сартайдаа тусгай шагнал авсан хамгийн ахмад бөх болж, Кёкүтэнхогийн өмнөх дээд амжилтыг эвдлээ.
Бусад өндөр зиндааны монголчууд
- Комүсүби Оошёома: 3-12
- Маэгашира-3 Оонокацү: 6-9
- Маэгашира-9 Чиоошёома: 1-14
- Маэгашира-10 Роога: 7-8
Эдгээр бөхчүүдийн дунд өндөр амжилт гаргасан хүн тун цөөн байв.
Жюүрёо зиндаанд
- Б-3 Тамашёохо (Э.Энхманлай): 6-9
- З-10 Б.Миторюү: 0-5-10 (өвчнөөр мэс засалд орсон)
Макүшита зиндаанд шинэ амжилтууд
- З-1 Кёкүкайюү (Ш.Далайбаатар): 5-2
- З-3 Асахакүрюү (Р.Жамъянтогтох): 7-0 — Жюүрёод дэвших нь тодорхой болсон.
- З-21 Сэйхакүхо (Ө.Демиджамц): 5-2
- З-45 Хокүтэнкай (Г.Сүхбат): 5-2
Ирээдүйн одод
Харьяалал багатай ч ирээдүйтэй бөхчүүдийн тоонд Тэнросей С.Лувсангомбо (6-1), Саданохікарі Д.Наранцогт (4-3) болон Котокэнрюү Г.Билгүүн (4-3) зэрэг бөхчүүд багтаж байна.
Монгол бөхчүүдийн дүн (тойм):
- Ёкозүна: Хоошёорюү – 1-4-10 (гэмтэл)
- Сэкиваке: Киришима – 8-7
- Комүсүби: Оошёома – 3-12
- Маэгашира:
- Оонокацү (М-3) – 6-9
- Тамаваши (М-4) – 11-4
- Чиоошёома (М-9) – 1-14
- Роога (М-10) – 7-8
- Жюүрёо:
- Тамашёохо (Б-3) – 6-9
- Миторюү (З-10) – 0-5-10
- Макүшита:
- Кёкүкайюү – 5-2
- Асахакүрюү – 7-0
- Деванорюү – 2-5
- Казэноүми – 2-5
- Котокэнрюү – 4-3
- Сэйхакүхо – 5-2
- Дайшёохо – 1-6
- Саданохікарі – 4-3
- Хокүтэнкай – 5-2
- Госейзан – 2-5
- Санданме:
- Сачинофүжі – 0-1-6
- Тэнросей – 6-1
- Маэзүмо:
- Тацүбаяма (Мөнх-Ердэнэ Буянтогтох) – 1-1
