NCAA-гийн шинэ улиралд Ш.Энхийн-Одын баг ялалт байгууллаа

АНУ-ын Үндэсний Сагсан бөмбөгийн коллежийн лиг (NCAA)-ийн 2025–2026 оны шинэ улирал өнөөдөр, 2025 оны 11 дүгээр сарын 5-нд албан ёсоор эхэллээ.

Монголын анхны NCAA тоглогч Ш.Энхийн-Од энэ жил Өмнөд Каролинагийн “Gamecocks” багийнхаа төлөө дөрөв дэх улирлаа эхлүүлж байна.

Шинэ улирлын нээлтийн тоглолтод Өмнөд Каролинагийн баг Хойд Каролинагийн A&T багийг 91:72-оор буулган авч, улирлаа ялалтаар эхлүүлэв.

Ш.Энхийн-Одын үзүүлэлт:

• Талбайд нийт 21 минут тоглосон
• 4 оноо, 5 самбар, 3 оновчтой дамжуулалт гүйцэтгэсэн

Өмнөд Каролинагийн тоглогчдын амжилт:

• Мийчи Жонсон — 14 оноо
• Нордин Капик — 13 оноо
• Коби Нокс — 12 оноо
• Эли Эллис, Элижа Стронг — тус бүр 11 оноо

Хойд Каролинагийн A&T багаас:

• Люрон Уолкер — 22 оноо
• Льюс Уолкер — 16 оноо авч, багаа тэргүүлсэн байна.

Ингэснээр Монголын залуу тамирчин Ш.Энхийн-Од NCAA-гийн шинэ улирлаа амжилттайгаар, багийнхаа ялалттай хамт эхлүүллээ.