Монгол бөхийн холбооноос зохион байгуулж буй өсвөр үе, залуучуудын 2025 оны Улсын аварга шалгаруулах барилдаанд оролцох бөхчүүдийн бүртгэл маргааш буюу 2025 оны аравдугаар сарын 30-нд Монгол бөхийн өргөөнд эхэлнэ. Тэмцээн нь 2025 оны аравдугаар сарын 31-нээс арваннэгдүгээр сарын 2-ныг хүртэл гурван өдрийн турш мөн Монгол бөхийн өргөөнд зохион байгуулагдах юм.
Насны ангилал ба оролцогчдын шаардлага
Барилдаан өсвөр үе болон залуучуудын гэсэн хоёр үндсэн ангиллаар явагдана.
Өсвөр үеийн ангилал:
- 16 нас: 2009.01.01–2009.12.31-ний хооронд төрсөн хөвгүүд
- 17 нас: 2008.01.01–2008.12.31-ний хооронд төрсөн хөвгүүд
- 18 нас: 2007.01.01–2007.12.31-ний хооронд төрсөн хөвгүүд
Залуучуудын ангилал:
- 19–20 нас: 2005.01.01–2006.12.31-ний хооронд төрсөн залуучууд
Нас бүрийн ангилалд 21 аймаг болон нийслэлийн 9 дүүргийн төлөөлөл оролцох бөгөөд тухайн орон нутгийн аварга шалгаруулах тэмцээнд түрүүлсэн бөхчүүд, мөн дэвжээ, нийгэмлэг, клуб, биеийн тамирын сургуулиудын төлөөлөл оролцоно.
Оролцогчид нь тухайн байгууллагад албан ёсоор харьяалагддаг эсвэл суралцаж байгааг баталгаажуулсан албан тоот бичиг баримтаа бүрдүүлсэн байх шаардлагатай.
Тус тэмцээн нь Монгол бөхийн ирээдүйн оддыг тодруулах, залгамж халааг бэлтгэх чухал арга хэмжээ болох юм.
2 комментария
Спорт сонирхдог залуусын хувьд сайн мэдээ байна
Амжилт хүсье оролцогчдод, шинэ аваргууд төрөх цаг иржээ