П.Сайнзориг: 14 хотын захирагчийг иргэд өөрсдөө сонгох боломжтой болно

Ирэх сарын 1-ний өдрөөс Улаанбаатар хотыг 14 нэгж, захиргаа бүхий хотод хуваах ажил эхлэх гэж байгаа талаар мэдээлэл гарсан. УИХ-ын гишүүн П.Сайнзориг энэ сэдвээр мэдээлэл өгч, хуваах үйл явцын талаар тайлбар хийжээ.

Тэрбээр, “Улаанбаатар хотыг 14 хуваах, засаг захиргааны нэгжийн өөрчлөлттэй холбоотой асуудлыг нэг жилээр хойшлуулсан. Энэ ажлыг хийхэд тоглоом болох зүйл байхгүй. Үндсэн зорилго нь төрийн үйлчилгээ болон иргэдийн эрүүл, аюулгүй орчинд амьдрах нөхцлийг бүрдүүлэхэд оршиж байгаа. Энэ нь өөрийн захирагчийг иргэд өөрсдөө сонгох хуулийн зохицуулалтаар батлагдсан. Өөрөөр хэлбэл, одоо дүүргүүдийн зарим чиг үүргийг хотод шилжүүлэх бөгөөд хотын захирагчаа иргэд өөрсдөө сонгодог болно. Нийслэлийн Засаг дарга дээр төвлөрдөггүй, дүүргийн Засаг дарга дээр төвлөрч шийдвэр гаргах нь илүү тохиромжтой болно. Хотын захирагч нь иргэдтэй хамтран нийтийн аж ахуйн асуудлуудыг шийддэг бололцоог Хот тосгоны эрх зүйн байдлын тухай хуулиар баталгаажуулж өгсөн.”

Мөн тэрбээр, “Нийслэлийн есөн дүүргээс төвийн зургаан дүүргийг 14 болгож хуваах гэж байгаа тухай зарим хүмүүс шүүмжилж байгаа ч, зарим дүүрэг нь 5000 хүнтэй, харин бусад нь 500,000 хүнтэй. Энэ ялгаатай хэмжээнд төрийн үйлчилгээг хүргэхэд төрийн ажиллах стандартын ялгаа гарна. Тиймээс энэ ялгааг арилгах, иргэдийн шаардлага, хэрэгцээнд нийцүүлэн үйлчилгээ үзүүлэх зорилгоор хотын захиргааны үйл ажиллагааг 14 хувааж, иргэдэд ойртуулах хэрэгтэй. Түүнчлэн, зарим хэсэг асуудлыг бүдгэрүүлж байгаа нь харамсалтай байна. Энэ үүднээс тодорхой хэмжээний бэлтгэл ажил шаардлагатай тул 1-2 жил хойшлуулж, хэрэгжүүлэлтэд бэлтгэл хангаж явуулах шаардлагатай” гэж онцоллоо.