XVII жарны “Сүрээр дарагч” хэмээх гал морин жилийн сар шинийн баярт зориулсан хүчит 256 бөхийн барилдаан өнөөдөр Монгол бөхийн өргөөнд ёслол төгөлдөр эхэллээ. Энэ удаагийн барилдаанд Дархан аварга А.Сүхбат, Н.Батсуурь нараас эхлээд улс, аймгийн алдар цолтой шилдэг бөхчүүд зодоглож байгаа нь наадамчин олны анхаарлыг ихээхэн татаж байна. Барилдааны эхний өдөр нэг болон хоёрын даваа явагдаж байгаа бөгөөд нэгийн даваанаас эхлэн томоохон шуугианууд тарьж, дээгүүр даваанд үзэх магадлалтай олон хүчтэнүүд өвдөг шороодлоо.
Нэгийн давааны хамгийн дуулиантай барилдаан нь Монгол Улсын Дархан аварга А.Сүхбат Архангай аймгийн харьяат, залуу бөх А.Энхбаярт өвдөг шороодсон явдал байв. Түүнчлэн улсын цолтой бөхчүүдээс аварга П.Бүрэнтөгс, улсын гарди Ө.Бат-Орших, улсын заан Б.Бат-Өлзий нар залуу бөхчүүдийн мэхэнд даагдалгүй унаж, үзэгчдийг гайхшруулаад байна.
Нэгийн давааны онцлох уналтууд:
- Дархан аварга А.Сүхбат: Залуу бөх А.Энхбаярт өвдөг шороодов.
- Улсын гарди Ө.Бат-Орших: Төв аймгийн сумын заан М.Өсөхбаярт тахим өгөв.
- Улсын заан Б.Бат-Өлзий: Завхан аймгийн сумын заан Д.Мөнхтулгад уналаа.
- Улсын аварга П.Бүрэнтөгс: Мөн нэгийн даваанд өвдөг шороодлоо.
Сар шинийн баярын цуврал барилдааны гурвын даваа маргааш буюу 2026 оны хоёрдугаар сарын 17-ны 15:00 цагаас үргэлжлэх хуваарьтай байна. Бөх сонирхогчид маргаашийн барилдаанаар хэн гэдэг бөх гал морин жилийн анхны томоохон барилдааны түрүүг авахыг тэсэн ядан хүлээж байна.
