24
Сүхбаатар аймгийн усан бассейнд өнгөрсөн долоо хоногт найман настай хүүхэд живж, амь насаа алдсан цочирдом үйл явдал боллоо. Уг харамсалтай хэрэг тус аймгийн Биеийн тамир, спортын газраас холбогдох байгууллагуудтай хамтран хэрэгжүүлж буй “Сэлж сурцгаая” хөтөлбөрийн үеэр гарсан байна.
Хэргийн талаарх зарим мэдээллийг дурдвал:
- Байршил: Сүхбаатар аймгийн усан бассейн;
- Хохирогч: Сургалтад элссэн 8 настай хүүхэд;
- Нөхцөл байдал: Анхны хичээлдээ хамрагдах үедээ живж амиа алдсан;
- Шалгаж буй байгууллага: Цагдаагийн байгууллага.
Орон нутгийн удирдлагууд хүүхэд залуусыг усанд сэлж сургах, эрүүл мэндийг нь дэмжих зорилгоор дээрх аяныг санаачлан эхлүүлсэн ч хамгийн анхны хичээл нь ийнхүү эмгэнэлтэйгээр төгсжээ. Одоогийн байдлаар цагдаагийн байгууллагаас хэргийн шалтгаан нөхцөлийг тогтоох, аюулгүй байдал алдагдсан эсэхийг нягтлахаар мөрдөн шалгах ажиллагааг үргэлжлүүлэн явуулж байна.
