Тайвань арлын хууль тогтоомжийн дагуу 33 хүртэлх насны эрэгтэй иргэн бүр 4 сараас 1 жилийн хугацаанд цэргийн алба хаах үндсэн үүрэгтэй байдаг. Гэвч сүүлийн үед нэр нөлөө бүхий олон алдартан энэхүү хуулийг зөрчиж, армиас зугтахыг оролдож байгаа нь олон нийтийн бухимдлыг төрүүлж байна. Тайванийн иргэд өөрсдийн ододдоо хандан “Өмнөд Солонгосын BTS хамтлагийнхан хүртэл цэргийн албаа хааж байхад та нар яагаад зугтаад байна вэ” хэмээн шаардаж, солонгос одод шиг үүргээ үлгэр дуурайлтай биелүүлэхийг уриалсаар байгаа юм.
Энэхүү дуулиантай холбоотойгоор энэ сарын 1-нд нэр алдартай дуучин, жүжигчин Чу Шэн И-г цэргийн албанаас зайлсхийсэн хэргээр албадан баривчилсан байна. Өдгөө 36 настай Чу-г Синьбэй дүүргийн Цагдаагийн газраас гэрээс нь баривчлан, гавтайгаар авчирч мөрдөн байцаалт явуулжээ. Байцаалтын явцад тэрбээр 400 мянган тайвань доллар төлж, эрүүл мэндийн шалтгаанаар цэрэгт тэнцэхгүй гэсэн хуурамч эмнэлгийн бичиг гаргуулж авснаа хүлээсэн байна. Үүний улмаас хууль бус акт үйлдсэн хэд хэдэн эмчийг мөн саатуулаад байгаа юм.
Цэргийн албанаас зайлсхийсэн асуудлаар дараах баримтуудыг дурдаж байна:
- Өнгөрсөн оны зургаадугаар сард Прокурорын газраас нийт 28 хүнд цэргийн албанаас зугтсан гэсэн үндэслэлээр ял оноосон.
- Эдгээр иргэдийн дунд жүжигчин Ван Да Лу-гаас гадна алдартай тогооч, продюсер, бизнесменүүд багтжээ.
- Тайваньчууд алдартнуудаа эх оронч байж, Өмнөд Солонгосын одод шиг үүргээ хариуцлагатай биелүүлэхийг шаардсаар байна.
Тайванийн хууль хяналтынхан энэ мэт хууль бус үйлдлүүдийг таслан зогсоохоор эрчимтэй ажиллаж байна. Олны танил эрхмүүдийн гаргаж буй энэхүү үйлдэл нь нийгмийн шударга ёсонд сөргөөр нөлөөлж байгаа тул цаашид хариуцлагыг чангатгах асуудал яригдаж эхэллээ.
