The MongolZ шинэ Академийн багийн бүрэлдэхүүнийг танилцууллаа

BLAST.tv Остин Мажорт түүхэн амжилт үзүүлэн, дэд байранд шалгарсан The MongolZ баг Монголдоо ирснээс хойш ердөө долоо хоногийн дараа шинэ үеийн тамирчдаас бүрдсэн MongolZ Academy-ийн бүрэлдэхүүнийг албан ёсоор зарлалаа. Энэхүү мэдэгдэл нь Улаанбаатар хотын Степп Арена цэнгэлдэхэд болсон “Homecoming” нэртэй фен эвентийн үеэр нийтэд хүрчээ.

Тус арга хэмжээнд 3000 гаруй хөгжөөн дэмжигч цугларч, финалд шалгарсан багийн гишүүдтэй уулзаж, гарын үсгийн авах, амьд хөгжмийн үзүүлбэр, ярилцлага болон шоу тоглолтуудад оролцсон юм.

Эвентийн хамгийн сэтгэл хөдөлгөм мөчүүдийн нэг бол академийн бүрэлдэхүүнийг зарласан мөч байлаа. Албан ёсоор гарын үсэг зурсан шинэхэн авьяастнуудын дунд 15 настай снайпер Цогтбаярын “HAKAIII8” Итгэл, Өлзийбадрахын “CXIX” Санчирбилэг, Чимэдцэрэнгийн “Tikuak” Золбаяр, түүнчлэн Мөнхбаярын “ghetto” Мөнхтамир болон Ганхуягийн “IruX” Ирмүүн гэсэн нэрс багтсан байна. Академийн дасгалжуулагчаар бол “винтов” хочит Долгорын Уламбаяр ажиллах бөгөөд тэрээр багийг бэлтгэж, дараагийн амжилтад хөтлөх үүрэг хүлээж байна.

The MongolZ баг Остин Мажорт дэлхийн шилдэг багуудтай эн тэнцүү өрсөлдөж, финалд Vitality багтай тоглон дэд байрт шалгарснаар Монголын Counter-Strike-ийн спортод шинэ эрч хүч, дэлхийн тавцанд гарц нээсэн юм. Энэхүү амжилт нь Монгол Улсад төдийгүй олон улсад цахим спортод хандах хандлагыг өөрчилсөн хэмээн олон улсын шинжээчид үзэж байна.

MongolZ Academy бүрэлдэхүүн:

• Өлзийбадрахын “CXIX” Санчирбилэг
• Мөнхбаярын “ghetto” Мөнхтамир
• Чимэдцэрэнгийн “Tikuak” Золбаяр
• Ганхуягийн “IruX” Ирмүүн
• Цогтбаярын “HAKAIII8” Итгэл
• Дасгалжуулагч: Долгорын “винтов” Уламбаяр

Дашрамд дурдахад The MongolZ багийн ерөнхий ивээн тэтгэгчээр 1xBet ажиллаж байгаа бөгөөд тус байгууллага нь Монголын цахим спортын хөгжилд бодитой хувь нэмэр оруулж буйг багийн зүгээс онцолсон юм.