HLTV.org сайтаас 2026 оны нэгдүгээр сарын 19-ний өдөр Counter-Strike 2-ын дэлхийн чансааг шинэчлэн танилцууллаа. Энэхүү шинэчлэлтээр Монголын “The MongolZ” баг өмнөх үзүүлэлтээсээ хоёр байраар ухарч, жагсаалтын 8-р байрт бичигдсэн байна. Одоогоор “Азийн хаад” 328 оноотой байгаа бөгөөд тэдний өмнөхөн Украины Natus Vincere (332 оноо) болон Оросын Team Spirit (347 оноо) багууд бичигджээ. Энэхүү өөрчлөлтөд Team Spirit баг хоёр байраар ахиж, 6-р байрт орсон нь гол нөлөө үзүүлсэн байна.
HLTV дэлхийн чансааны шинэчлэгдсэн ТОП-10 баг
Шинэчилсэн чансааны эхний аравт дараах багууд амжилтаараа тэргүүлэн багтаж байна:
- Vitality (960 оноо) – Жагсаалтыг тэргүүлэгч
- FURIA (807 оноо) – Хоёрдугаар байр
- Falcons (608 оноо) – Гуравдугаар байр
- MOUZ (474 оноо) – Дөрөвдүгээр байр
- FaZe (374 оноо) – Тавдугаар байр
- Spirit (347 оноо) – Хоёр байраар ахиж 6-рт бичигдэв
- Natus Vincere (332 оноо) – Долоодугаар байр
- The MongolZ (328 оноо) – Хоёр байраар ухарч 8-рт бичигдэв
- G2 (190 оноо) – Есдүгээр байр
- Aurora (153 оноо) – Аравдугаар байр
Чансаа тогтоох зарчим ба багийн бүрэлдэхүүн
HLTV Team Ranking нь 2015 оны 10 дугаар сараас эхлэн нэвтрүүлсэн онооны системд суурилдаг бөгөөд багуудын сүүлийн нэг жилийн амжилтыг голлон авч үздэг. Оноог тооцохдоо сүүлийн хоёр сарын тэмцээний үр дүн, жилийн хугацаанд томоохон тэмцээнүүдэд үзүүлсэн амжилт болон багийн үндсэн бүрэлдэхүүний тогтвортой байдал гэсэн гурван үндсэн хэсэгт хуваадаг.
The MongolZ багийн бүрэлдэхүүнд bLitz, Techno, mzinho, 910, cobrazera нар тоглож байгаа бөгөөд тэд 1xBet Монголоос үзүүлж буй дэмжлэгтэйгээр олон улсын тавцанд эх орноо төлөөлөн өрсөлдсөөр байна. Хэдийгээр чансаа бага зэрэг буурсан ч тэд дэлхийн шилдэг аравт тогтвортой байр сууриа хадгалсаар байгаа нь Азийн CS2-ын хөгжлийг илтгэж буй үзүүлэлт юм.
