Table of Contents
АНУ-ын Ерөнхийлөгч асан Дональд Трампын удирдлагад ажиллаж буй баг 2026 оны санхүүгийн жилд гадаад бодлогын зардлыг эрс танах төсвийн төсөл боловсруулсныг “Reuters” болон “Associated Press” агентлагууд мэдээллээ.
Энэхүү төсөлд тусгаснаар, АНУ-ын Төрийн департаментын төсвийг бараг тэн хагасаар бууруулах буюу 30 тэрбум ам.доллараар танах санал дэвшүүлжээ. Төслийг АНУ-ын Удирдлага, төсвийн алба (OMB) боловсруулсан бөгөөд 2025 оны аравдугаар сарын 1-нээс эхлэх санхүүгийн жилд хэрэгжихээр санал болгогдсон байна.
Элчин сайдын яам, консулын газруудыг хаах, гадаад тусламжийг танах
Төсвийн шинэ хэмнэлтийн хүрээнд АНУ-ын 10 Элчин сайдын яам, 17 консулын газрыг хаах санал багтжээ. Мөн Төрийн департаментын харьяа Олон улсын хөгжлийн агентлаг (USAID)-ийн санхүүжилтэд ч мөн адил таналт хийхээр төлөвлөсөн байна.
Олон улсын байгууллагуудын санхүүжилтэд бүрэн “тэг” тавих уу?
Төсөлд дурдсанаар, АНУ-аас НҮБ, НАТО зэрэг олон улсын байгууллагуудад олгож буй санхүүжилтийг бүрэн зогсоох, гадаад улсуудад үзүүлж буй тусламжийг хоёр дахин бууруулах, гадаадад хэрэгждэг эрүүл мэндийн хөтөлбөрүүдийг мөн зогсоох зорилт тавигдсан байна. Гэсэн ч халдварт өвчний эсрэг чиглэсэн (ДОХ, сүрьеэ, хумхаа зэрэг) зарим үндсэн хөтөлбөрт бага хэмжээний хөрөнгө үлдээхээр тусгасан аж.
Хэрэгжих эсэх нь эргэлзээтэй хэвээр
“Associated Press”-ийн мэдээлснээр уг төсөл нь одоогоор анхан шатандаа яваа бөгөөд Төрийн департамент болон Конгрессийн дэмжлэгийг авах магадлал бага байна гэж шинжээчид таамаглаж байна. Конгресс доторх зарим гишүүд АНУ-ын гадаад орнууд дахь оролцоо, хамтын ажиллагааг бууруулахыг шүүмжилж буй юм.
OMB-ын төлөөлөгч мэдэгдэлдээ “Санхүүжилтийн талаар эцсийн шийдвэр гараагүй байна” хэмээн онцолжээ.
Хэрэв энэхүү төсөв батлагдвал АНУ-ын гадаад бодлогын чиг хандлага, олон улсын хамтын ажиллагаанд бодит өөрчлөлт авчирч болзошгүй гэж олон улсын шинжээчид анхааруулж байна.
4 comments
АНУ-ын гадаад бодлогын зардлыг ийнхүү танах нь дэлхийн энх тайван, аюулгүй байдалд сөрөг нөлөө үзүүлж болзошгүй. НҮБ болон НАТО зэрэг байгууллагуудын үүрэг, оролцоо чухал хэвээр байна.
Трампын “America First” бодлого нь АНУ-ын олон улсын нэр хүндийг бууруулж, холбоотнуудтай харилцаанд сэв суулгаж магадгүй. Гадаад тусламжийг зогсоох нь хөгжиж буй орнуудад хүндээр тусна
НҮБ-ын энхийг сахиулах ажиллагаанд АНУ-ын санхүүжилт зогсвол олон бүс нутагт тогтворгүй байдал үүсэж, энгийн иргэдийн амь нас, аюулгүй байдалд заналхийлж болзошгүй
АНУ-ын Конгресс энэхүү төсвийн төлөвлөгөөг хэлэлцэхдээ олон улсын хамтын ажиллагаа, энх тайвныг хангах үүргээ бодолцож, хариуцлагатай шийдвэр гаргах нь зүйтэй.