2025 оны галлагааны улирал эхэлснээс хойш нийслэлийн агаарын чанар өмнөх жилийн мөн үеийнхээс илүү сайжирсан үзүүлэлттэй байна. Хяналтын тоон мэдээллээр Улаанбаатарын агаар дахь бохирдуулагч бодисуудын агууламж тогтвортой хэмжээгээр буурчээ.
2025 оны арваннэгдүгээр сарын 6-ны өдрийн агаарын чанарын индексийг 2024 оны яг энэ өдрөөс 24 цагийн зөрүүтэй харьцуулбал дараах өөрчлөлтүүд ажиглагдсан байна:
- PM2.5 нарийн тоосонцор: 36.7 хувь бага
- PM10 бүдүүн ширхэгт тоосонцор: 22.1 хувь бага
- NO₂ азотын исэл: 43.1 хувь бага
- SO₂ хүхрийн хий: 80 хувь бага
- CO угаарын хий: 53.9 хувь бага
Эдгээр тоо нь энэ өдрийн агаар өмнөх оны мөн үеэс хавьгүй цэвэр байгааг илтгэж байна.
Мөн 2025 оны арваннэгдүгээр сарын 6-ныг 2024 онтой харьцуулахад хоногийн дундаж температур 1.9°C-ээр дулаан, салхины хурд 1.4 м/с-ээр бага байсан бөгөөд тухайн өдөр хур тунадас ороогүй байна. Ийм цаг агаарын нөхцөл нь бохирдлын тархалт, хуримтлалд нөлөөлж, агаарын чанар харьцангуй тогтвортой байх нөхцөл бүрдүүлжээ.
