Улаанбурхан өвчний зургаан тохиолдол шинээр бүртгэгдэж, нийт өвчлөл 13,752 боллоо

Одоогийн байдлаар халдвар авсан 25 иргэн ХӨСҮТ-д хэвтэн эмчлүүлж байгаа бол хөнгөн хэлбэрийн оноштой 28 иргэн өрхийн эмчийн хяналтад гэртээ тусгаарлагдаж байна. Энэ удаагийн өвчлөлийн насны бүтцийг авч үзвэл 10-14 насны хүүхэд, өсвөр үеийнхэн хамгийн ихээр өртөж байгаа нь ажиглагдлаа.

Өвчлөлийн нөхцөл байдал ба насны бүлэг:

Халдвар судлаачдын гаргасан статистик мэдээллээр өвчлөгсдийн дийлэнх хувийг сургуулийн насны хүүхдүүд эзэлж байна. Улаанбурхан өвчин нь агаар дуслын замаар маш хурдан халдварладаг бөгөөд дархлаажуулалтад бүрэн хамрагдаагүй тохиолдолд хүндрэх эрсдэл өндөртэй юм.

• Нийт батлагдсан тохиолдол: 13,752
• Эмнэлэгт хэвтэн эмчлүүлэгч: 25
• Гэрийн хяналтад байгаа: 28
• Зонхилох насны бүлэг: 10-14 нас

ХӨСҮТ-өөс өгч буй зөвлөмж, анхааруулга:

Улаанбурхан өвчнөөс сэргийлэх цорын ганц үр дүнтэй арга бол вакцинжуулалт юм. Иймд ХӨСҮТ-өөс иргэдэд хандан дараах шаардлагыг тавьж байна. Үүнд:

1. Бүртгэлээ баталгаажуулах: Иргэд өөрийн болон хүүхдийнхээ улаанбурхны эсрэг вакцинд хамрагдсан мэдээллийг өрх, сумын эрүүл мэндийн төвдөө очиж цахим системд бүрэн бүртгэгдсэн эсэхийг шалгах.
2. Нөхөн дархлаажуулалт: Хэрэв ямар нэг шалтгаанаар товлолт вакцинаас хоцорсон бол яаралтай нөхөн тунд хамрагдаж, өөрийгөө болон ойр дотны хүмүүсээ аюулт халдвараас хамгаалах.
3. Шинж тэмдэг илэрвэл: Өндөр халуурах, биеэр тууралт гарах зэрэг шинж тэмдэг илэрсэн тохиолдолд дур мэдэн эмчлэхгүй байх, олон нийтийн газраар явалгүйгээр яаралтай эмнэлэгт хандахыг санууллаа.